Мамадышта өстәл теннисы буенча Татарстан Республикасы чемпионаты узды
Татарстанның Мамадыш шәһәрендә авыл районнары командалары арасында өстәл теннисы буенча Татарстан Республикасы чемпионаты узды, аны “Сәламәтлек” XIV авыл Спартакиадасы программасы буенча “Уңыш” физкультура-спорт җәмгыяте оештырды.
Ярышларда республиканың 16 районыннан командалар катнашты. Барысы 100ләп кеше ярышты.
Шәхси исәптә хатын-кызлар арасында 1 нче урынны Әлмәт районыннан Анна Хонина алды, 2 нче урында – шул ук районнан Вероника Апаева һәм 3 нче урында Саба районыннан – Диләрә Бәширова.
Шәхси исәптә ир-атлар арасында 1 нче урынны Саба районыннан Павел Галанов алды, 2 нче урында – шул ук районнан Револь Андреев һәм 3 нче урында – Мамадыш районыннан Андрей Шебухов.
Команда исәбе буенча урыннар түбәндәгечә бүленде: 1 нче урында – Саба районы, 2 нче урында – Мамадыш районы һәм 3 нче урында – Әлмәт районы.