“Аксубай” агрофирмасы” ҖЧҖнең “Чирмешән” бүлекчәсе ындыр табагында эшләр көчәйтелгән режимда бара

“Аксубай” агрофирмасы” ҖЧҖнең “Чирмешән” бүлекчәсе ындыр табагында эшләр көчәйтелгән режимда бара. Керә торган барлык ашлык чистарту машинасы аша уза. Монда бер сменада 60-70 тонна ашлык эшкәртелә.

Ашлыкны сортларга аеруда Андрей Никитин, Елизавета Илюшкина, Любовь Николаева һәм башкалар эшли. Эшне оештыру өчен склад мөдире Александр Акташев җаваплы. «Беренче ел гына эшләмибез инде монда, – дип сөйли Елизавета Илюшкина. – Быел уңыш бик яхшы, шунысы сөендерә. Әлбәттә, кыенлыклар да була, әмма без аларны бергә-бергә җиңел хәл итәбез».

«Бүген бар көчне үстерелгән уңышны саклап калуга юнәлтәбез, – дип сөйләде “Аксубай” агрофирмасы агрономы Хәлил Минапов. – «Чирмешән” бүлекчәсенең ындыр табагы коллективы куелган бурычны уңышлы үти».