ЯҢАЛЫКЛАР

Яңа  ел алдыннан  Арча районында  аграр  тармак алдынгыларын котлауга  багышланган  «Арча батырларын данлый» чарасы  узды, фойеда  авыл  хуҗалыгы  предприятиеләре, КФХлар һәм кооперативлар продукциясе  күргәзмәсе  оештырылган иде.   

Татарстанда  быел  авыл  хуҗалыгы  продукциясенең  тулаем  күләме, Татарстан  Республикасы Авыл хуҗалыгы  һәм азык-төлек  министрлыгы  фаразлары  буенча,  2018 елдагыдан    3,6%ка артыграк.   Бу  хакта  24 декабрьдә республиканың   ММЧ вәкилләре  белән  очрашуда  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров хәбәр итте.  

23 декабрьдә  Лениногорск районында  Авыл  хуҗалыгы  алдынгылары  слеты  узды, анда  2019 ел  уңышын  урып-җыюда   алдынгылар  рәтенә  чыгучыларны  бүләкләделәр,  алар  тырышлыгы  белән  районда    82 мең тонна  ашлык  суктырылган,   50 мең  тонна  шикәр  чөгендере, 3  мең  тоннадан  артык  бәрәңге    җыелган.    

23 декабрьдә Татарстанның  Сәүдә-сәнәгать палатасында Татарстан  эшкуаралры  белән  очрашу  узды.   Чарада  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров катнашты.  

Татарстан  агросәнәгать комплексы предприятиеләре техниканы  газ-мотор ягулыгына күчерәләр.   Бу  хакта  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров шимбә көнне  Татарстан  Республикасы Хөкүмәте Йортында  узган  киңәшмәдә  әйтте.    

Республиканың сөтчелек  тармагы  алдагы  елларга  үсеш  ноктасы  булачак.  Бу  хакта  Татарстан  Республикасы Хөкүмәте Йортында узган  киңәшмәдә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров әйтте.  

Татарстан  Республикасы Авыл хуҗалыгы  һәм азык-төлек  министрлыгы авылда  кече  һәм урта  бизнесны  үстерүгә зур  игътибар  бирә.  Бүген  һәр районда  Татарстан  Республикасы Авыл хуҗалыгы  һәм азык-төлек  министрлыгы  ярдәме  белән  үз эшен  ачкан һәм  аны  уңышлы  алып  баручы  кешеләр шактый  күп.   Мәсәлән,  узган  атнада   Арча  районында  «Яңа  эш  башлаучы фермер» һәм «Гаилә терлекчелек   фермалары» программалары  буенча  Татарстан  Республикасы Авыл хуҗалыгы  һәм азык-төлек  министрлыгы грантларына  төзелгән    4  ферма  бер  үк  вакытта  ачылды. 

Татарстан  Республикасы Авыл хуҗалыгы  һәм азык-төлек  министрлыгы хәбәр итүенчә,  «Комсомольская Правда-Казань» газетасы  “100 легендарных брендов Республики Татарстан» (“Татарстан  Республикасының 100 легендар  бренды”) дигән  уникаль  проект  чыгарган.  Бу  -   республиканың 100 еллык  тарихын күрсәтә  торган  брендлар,  компанияләр һәм сәүдә  маркалары  турында  проект.  

Соңгы  5  елда  Татарстан  Республикасы агросәнәгать комплексына  кертелгән    инвестицияләр  күләме    140 млрд сум  тәшкил  итә,  шул  исәптән  авыл  хуҗалыгына – 96 млрд сум, эшгкәртү  сәнәгатенә - 44 млрд сум. Шундый  белешмәләр  бирде  шимбә  көнне  Татарстан  Республикасы Хөкүмәте Йортында  узган  киңәшмәдә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров.  Барлык  муниципаль  районнар  белән  видеоконференция режимындагы  киңәшмәне  Татарстан  Республикасы  Президенты  Рөстәм  Миңнеханов  үткәрде. Киңәшмәдә шулай   ук  Татарстан  Республикасы  Премьер-министры  Алексей Песошин да  акатнашты. 

Бүген  Казанда  һәм Чаллыда  Татарстан  Республикасы Авыл хуҗалыгы  һәм азык-төлек  министрлыгы тарафыннан  оештырылган  авыл  хуҗалыгы  ярминкәләре  узды. Азык-төлек  товарларын  республиканың  муниципаль районнарыннан  авыл  хуҗалыгы  җитештерүчеләре,  шулай  ук  АПК предприятиеләре   алып  килде.