ЯҢАЛЫКЛАР
20 майда Татарстан Республикасы Сәүдә-сәнәгать палатасында «Нәтиҗәле партнерлык: шәһәр һәм авыл» темасына түгәрәк өстәл узды, аны «Татарстан Республикасында авыл хуҗалыгы кооперациясен үстерү буенча компетенцияләр үзәге» ДБУ һәм Сәүдә-сәнәгать палатасының Эшкуарлыкны үстерү һәм аңа ярдәм итү департаменты оештырды. Очрашу «Татарстан Республикасы эшкуарлыгының язгы атнасы - 2019» бизнес-форумы кысаларында узды. Чарада авыл хуҗалыгы продукциясен сата торган интернет-мәйданчыкларны оештыручылар, үз продукциясен сатуга чыгару белән кызыксынучы кече хуҗалыклар, авыл хуҗалыгы кооперацияләре вәкилләре катнашты.
14 майда Казан дәүләт аграр университетында «Авыл хуҗалыгы кулланучылар кооперативлары өчен идарәчел кадрлар әзерләү» темасына түгәрәк өстәл узды, аны «Татарстан Республикасында авыл хуҗалыгы кооперациясен үстерү буенча компетенцияләр үзәге» ДБУ, Казан дәүләт аграр университетының Икътисад институты, Кластер белеме һәм проектлар белән идарә итү үзәге оештырды. Чарада Казан шәһәре югары уку йортларының икътисад факультетлары мөгаллимнәре, республика аграр көллиятләре һәм авыл хуҗалыгы техникумнары җитәкчеләре һәм белгечләре катнашты.
25 апрельдә Татарстан Республикасы Авыл хуҗалыгы һәм азык-төлек министрлыгы һәм «Татарстан Республикасында авыл хуҗалыгы кооперациясен үстерү буенча компетенцияләр үзәге» тарафыннан республиканың 29 муниципаль районыннан кооперативлар бухгалтерлары һәм рәисләре өчен Татарстан Республикасы авыл хуҗалыгы кулланучылар кооперативларында бухгалтерлык исәбе һәм хисап бирү үзенчәлекләре буенча уку семинары уздырылды.
17 апрельдә “Татарстан Республикасында авыл хуҗалыгы кооперациясен үстерү буенча компетенцияләр үзәге” дәүләт бюджет учреждениесендә (ДБУ) авыл хуҗалыгы товарлары җитештерүчеләренең һәм Казан шәһәренең өлешләп сату кибетләре вәкилләренең эшлекле очрашулары оештырылды. Бу чара март аенда Тәтеш районында узган һәм республикада авыл хуҗалыгы кулланучылар кооперативларын үстерү чараларын гамәлгә ашыруга юнәлдерелгән «Нәтиҗәле кооперация атналары» чарасының дәвамы булды.
Авыл җирлекләре башлыклары фермерларга дәүләт ярдәме алу өчен документлар тутырырга ярдәм итәргә тиешләр. Бу хакта Татарстан Республикасы авыл хуҗалыгы һәм азык-төлек министры урынбасары Ришат Хәбипов бу көннәрдә Тәтеш районында уза торган «Кооперацияне нәтиҗәле үстерү атнасында» сөйләде.
4 марттан 7 мартка кадәр «Татарстан Республикасында авыл хуҗалыгы кооперациясен үстерү буенча компетенцияләр үзәге» дәүләт бюджет учреждениесендә Татарстан Республикасы Авыл хуҗалыгы һәм азык-төлек министрлыгы белән берлектә Тәтеш муниципаль районында кооперацияне нәтиҗәле үстерү атнасын оештыра, ул республикада авыл хуҗалыгы кооперативларын үстерү чараларын гамәлгә ашыруга юнәлдерелгән.
Агросәнәгать комплексы һәм эшкәртү сәнәгате күргәзмәсе кысаларында Татарстан Республикасы авыл хуҗалыгы кулланучылар кооперативлары башкарма директорлары – җитәкчеләренең беренче Олимпиадасы узды.