ЯҢАЛЫКЛАР

Бүген  Татарстан Республикасы  авыл  хуҗалыгы  һәм азык-төлек  министрының беренче  урынбасары Наил Залаков Татарстанда  авыл  хуҗалыгы  продукциясен  потенциаль җитештерүчеләр-экспортлаучылар  белән  очрашты.   Фикер алышуны  ачып,     Наил  Залаков болай  диде: «Татарстан  Республикасы Авыл хуҗалыгы  һәм азык-төлек  министрлыгы АПК продукциясен  экспортлауны  үстерергә ниятли.   АПК продукциясен  экспортлау күләмен 2024 елга 360 млн. долларга җиткерүне  күздә  тота  торган  максатчан күрсәткечләр  расланды.  Бүген  без  үз  продукциясен экспортлау белән  кызыксынучы  җитештерүчеләрне  җыйдык  һәм аларга  ярдәм  итәргә   әзер».

Татарстан  Республикасы Авыл хуҗалыгы  һәм азык-төлек  министрлыгының фән, мәгариф һәм   инновацион технологияләр  бүлегендә  «Вверх!»   (“Югарыга!”) конкурсында  җиңүче  Казан  дәүләт  аграр     университетының  1 курс  студенты   Элина Кунгурова стажировка  уза  башлады.  

Шимбә көнне, 23 ноябрьдә,   Татарстан  Республикасы Авыл хуҗалыгы  һәм азык-төлек  министрлыгы республика  халкын  кулай  бәяләрдән  авыл  хуҗалыгы  продукциясе  сатып  алу  өчен  Казанда, Чаллыда, Зеленодольск районының    Октябрьский поселогында    («Яңа Тура» сәүдә-ярминкә   комплексында) уза  торган  ярминкәләргә  чакыра.   Ярминкәләрдә     шәһәр  халкы  Татарстанның  муниципаль районнарыннан  китерелгән     ит, казылык  продукциясе,   үлчәүле сөт, май,  йомырка, бал,  шикәр комы, ярмалар һәм  башка фермер  продукциясе  сатып  ала алалар.   

Бүген Казанда  Кече һәм урта  эшкуарлык корпорациясенең    стратегик  сессиясе узды. Корпорациянең  генераль директоры Александр Браверман, Татарстан Республикасы  авыл  хуҗалыгы  һәм азык-төлек  министры  урынбасары  Ришат  Хәбипов һәм Татарстан  авыл  хуҗалыгы  җитештерүчеләре катнашындагы  түгәрәк  өстәлдә  авыл  хуҗалыгы  кооперациясен  үстерү  турында  фикер алыштылар.  

Үзләренең  хезмәте  белән  ихтирам һәм хөрмәт  яулаган  гади  кешеләр  турында  языла  торган  безнең “Хезмәт кешеләре” рубрикасының  бүгенге  герое  -  Татарстанның  иң  өлкән  ветеринария  табибы    Якушкин Михаил Дмитриевич. Бүген, 21 ноябрьдә, Михаил Дмитриевич үзенең  95 яшь тулган  көнен    бәйрәм  итә.  

Татарстан  Республикасы Авыл хуҗалыгы  һәм азык-төлек  министрлыгы авыл  хуҗалыгы  җитештерүчеләренә  «АгроСемЭксперт»  мәгълүмат платформасы аша чәчү  өчен  кирәкле  орлык  сортларын    эзләү мөмкинлеге  турында  хәбәр  итә,  ул  Россия авыл  хуҗалыгы  үзәге тарафыннан  эшләнгән һәм  районда, тулаем  республикада  орлыкларның  сыйфаты турында тәүлек  буе белешмәләр  алырга, кирәкле  орлыкларны  эзләүне җиңеләйтергә һәм сатучылар белән  элемтәләр  урнаштырырга,  шулай  ук   орлык  фондын салуның барышын   контрольдә тотарга  һәм аны  тикшереп торырга  ярдәм  итә.    

Татарстанда  ел  дәвамында  дуңгызчылык  продукциясен  җитештерүнең  артуы  күзәтелә.   «Республикада  бу  елның  гыйнвар-октябрь айларында авыл  хуҗалыгы  оешмаларында  һәм фермер хуҗалыкларында     76 мең  132 тонна  дуңгыз  ите  җитештерелгән. Бу  узган  елга  карата   106% тәшкил  итә», – дип  сөйләде  Татарстан  Республикасы Авыл хуҗалыгы  һәм азык-төлек  министрлыгының  терлекчелек   тармакларын  үстерү  бүлеге  башлыгы   урынбасары  Ирек Гыйбадуллин.

Германиядә  авыл  хуҗалыгының  үсеше  ничек бара?  «Һөнәре  буенча  иң  яхшы  – 2018» конкурсында  җиңүчеләр бу  сорауга  тулы  җавапны  Баварияда  рус телле «Юность» Берлегенең программасы  аша  таба алдылар.     "Kuhstallcafe Illkofen" сыер абзары-кафеда, Бавария  авылы   Хермансдорфта (Herrmannsdorfer Landwerkstätten Glonn GmbH & Co. KG) булу һәм ит, сөт  әйберләре җитештерү  буенча  фермер хуҗалыкларына, пекарьняга, эко-авыл  хуҗалыгы  продуктлары  җитештерүче предприятиегә, дуңгыз  фермаларына, тавыклар  кетәклекләренә, бакчачылык  хуҗалыкларына  экскурсияләргә бару  катнашучыларга  көнбатыш  хезмәттәшләренең агросәнәгать комплексы  эшен  тулысынча  күзалларга  ярдәм  итте.  

Районнарда  кыр  эшләре  тәмамлангач,  берсе  артыннан  берсе  уңыш  бәйрәмнәре  уздыра  башлады, аларда  үзләренең  көндәлек  хезмәтләре  белән  республика  халкын  тәмле  ипи, яшелчә, ит, сөт һәм кешегә һәркөнне  кирәкле башка төр  продукция  белән  тәэмин  итүче  уңган-булган  хезмәткәрләрне  бүләклиләр. 

22 - 23  ноябрьдә Казанда Татарстан  Республикасы  агросәнәгать комплексының   яшь хезмәткәрләре  һәм  аграр белгечлек  алучы  студентлар  арасында  «Һөнәре  буенча  иң  яхшы»   конкурсы  узачак.      Белгечләр  үз  осталыкларын   9  номинациядә күрсәтәчәкләр,  ә җиңүчеләр  Германиягә  ике  атналык   стажировкага  барачаклар.