ЯҢАЛЫКЛАР

16 августта Татарстан Республикасы  авыл  хуҗалыгы  һәм азык-төлек  министры  урынбасары     Нәҗип Хаҗипов Балык  Бистәсе  районында  урып-җыю эшләренең  барышы белән  танышты,  шулай  ук  агросәнәгать комплексы  белгечләре белән  очрашты  һәм  көндәлек  мөһим  мәсьәләләр  буенча  фикер алыштылар.  

Озакка сузылган  яңгырлардан  соң  соңгы  көннәрдә  аязытып  җибәрде,  туфрак  кипшенә  башлау  белән  Аксубай  районының  Сунеев КФХсында  игенчеләр  комбайннарын  кырга  чыгардылар.   Бу  хуҗалыкта  бөртеклелеәр    2900 гектар мәйданны  били,  шул  исәптән    200 гектар - көзге  арыш,  бодай,  вика, 400 гектар  – арпа, 600 га  сабан  бодае һәм  –   1300 га  – солы. 

Чистай  районында  көнгә  билгеле  бер  күләмдә  ашлык  суктырган  комбайнчыларга   акчалата  премияләр (сертификатлар)  бирү  гадәткә  кереп  китте.   Чистай районы  комбайнчылар бөртекле  һәм мкузаклы  культуралар җыюда  куелган  шартларны  үтәгәндә  көн  саен  премия алырга  мөмкин.  

Бүген  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры  Марат  Әхмәтов  урып-җыю эшләренең  барышы  белән  танышу  максатында   Татарстанның Чүпрәле, Апас һәм Кайбыч районнарында булды.   

13 августта Татарстан Президенты Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры  Марат  Әхмәтов белән  бергә  Тәтеш  районы  кырларындагы  урып-җыю  эшләре  белән  таныштылар, алар     Кече Әтрәс ав., Олы  Әтрәс ав., Алабердино (Аллабирде) ав. («Нур» агрофирмасы” ҖЧҖ),  Олы  Торма, Кече Торма авылларында    («Новая Заря» ҖЧҖ), Олы  Шимәк,    Олы Бисәр, Чинчурино,   Нармонка,   Удельное Нечасово авылларында,   Алекина Поляна ав. («Ак Барс» ХКнең «Содружество» ҖЧҖ),    Жуково ав. («Колос» агрофирмасы),   Бакырчы ав. («Бакрчи» ҖЧҖ) кырларын  карадылар.

Татарстан  Республикасы  Президенты  Рөстәм  Миңнеханов  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат  Әхмәтов һәм Кама Тамагы  районы  башлыгы  Наил  Вазыйхов  белән бергә    Теньки авылы,   Тукай ав. («Камская» а/ф),   Иске Барыш ав.,     Картапа ав. (ООО «А/ф «Бортас» а/ф),   Караталга ав., . Атабай ав. («Олы Кенәри» АХ ААҖ), «Красный Восток Агро»),  Кече   Бортас ав. («Бортас» а/ф ҖЧҖ), Олы Кенәри   («Олы Кенәри» ААҖ),  Баргуза ав.  Салтык ав.  ( “Кама”а/ф  ААҖ),   Кама Тамагы ш.т.п.  («А.Р. Җәләлетдинов» КФХ) кырларында  булдылар.   

Августта яңгырлы  көннәр  күп  көтелә,  шуңа күрә  республика  игенчеләренә урып-җыю эшләрен башкару  тактикасын  яңадан  карарга  кирәк  булачак.  Бу  хакта  Татарстан  Республикасы Хөкүмәте Йортында  узган  киңәшмәдә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат  Әхмәтов урып-җыюның  барышы  турында  сөйләгәндә  әйтте.  

Бу  атнада   Татарстанда  урып-җыю эшләрен оештыру, көзге  культураларны  чәчү,  туфракны  төп  эшкәртү,  орлык  салу    буенча  Татарстан Республикасы  авыл  хуҗалыгы  һәм азык-төлек  министры  урынбасарлары  Илдус Габдрахманов һәм      Тәлгать  Таһирҗанов җитәкчелегендәге    зона  семинарлары  башланды.   Семинарлар эшендә  районнар  башлыклары,  авыл хуҗалыгы  һәм азык-төлек  идарәләре  башлыклары,  “Россельхозцентр”ның  Татарстан  Республикасы  буенча  идарәләре  белгечләре, авыл  хуҗалыгы  предприятиеләре һәм  КФХ җитәкчеләре,  шулай  ук  хуҗалыклар    агрономнары  актив  катнаша. 

22 июльдә Зәй  районында  28  гектар  «Скипетр» көзге  бодай  кишәрлегендә  беренче  урып-җыюны  сынап  карадылар.    119 тонна  ашлык  суктырылды  инде.  Контроль  суктырудан  күренгәнчә,  уңдырышлылык  -  42,5 ц/га.