ЯҢАЛЫКЛАР
Татарстан Республикасы Авыл хуҗалыгы һәм азык-төлек министрлыгы авылда үз бизнесын башларга теләүчеләрне, яшь фермерларны, шулай ук бер елдан да кимрәк эшләүче крестьян-фермер хуҗалыклары башлыкларын Яшь фермер мәктәбендә катнашырга чакыра. Мәктәпне тәмамлагач, катнашучылар квалификация күтәрү турында таныклык алачаклар.
Бу көздә ай дәвамында Татарстан Республикасы Аграр яшьләр берләшмәсе һәм Татарстан Республикасы Авыл хуҗалыгы һәм азык-төлек министрлыгы идарәсе вәкилләре авылның мәдәни-тарихи мирасын саклап калу һәм авыл территорияләрендә «Авылда эшлә – кыю бул» юнәлешендә үзеңне күрсәтү мөмкинлекләре турында халыкка мәгълүмат җиткерүне арттыру буенча Бөтенроссия яшьләр проекты кысаларында республиканың өч районында булдылар һәм агробизнес мөмкинлекләре турында сөйләделәр.
Роза Нуруллина: «Авылда яшьләр өчен мөмкинлекләр юк, перспективалар юк, дигәнне еш ишетергә туры килә. Әмма мин шуны аңладым, бары тик районда, үз авылымда гына мин эшемдә уңышларга ирешә алдым, хәтта хыялымны да тормышка ашырдым!».
Татарстан Республикасы Авыл хуҗалыгы һәм азык-төлек министрлыгы «Республиканың үз талантлары:Яшьләр/проектлар/тарих» проекты кысаларында агросәнәгать тармагында үз юлларын тапкан кешеләр турында сөйләвен дәвам итә.