Татарстан районнарында 2017 елгы урак батырларын бүләкләү дәвам итә

Татарстан районнарында 2017 елгы урак батырларын бүләкләү дәвам итә. Кичә, 16 августта, Кайбыч муниципаль районы башлыгы Альберт Рәхмәтуллин алдынгы комбайнчыларга бәүләкләр тапшырды. Ул бүләкләргә “Дубрава” агорофирмасы” ҖЧҖеннән – Альберт Лазарев, Харис Хәбибуллин, Айрат Сафиуллин, «Яңа юл” ПККХсыннан – Руслан Тимуршин һәм «Родина» агорофирмасы” ҖЧҖеннән Димитрий Герасимов ия булдылар.

Альберт Рәхмәтуллин механизаторларга аларның авыр хезмәтләре өчен рәхмәт белдерде. «Кайбыч игенчеләре – үз эшләренең осталары, елдан-ел арта барган күрсәткечләр дә шуны раслый», – диде ул.

Теләче муниципаль районында “Теләче Агро” ҖЧҖеннән – Мәхмүт Фазылҗанов, Фәргать Исмагыйлев, «Алан” ҖЧҖеннән – Ренат Гатауллин, Айрат Сабиров, Рәфис Шәйхетдинов һәм “Агролак” ҖЧҖеннән Фәрит Хәсәнов бүләкләнделәр. Бүләкләрне район башлыгы Илдус Зарипов һәм районның авыл хуҗалыгы һәм азык-төлек идарәсе башлыгы Рәлиф Низаметдинов тапшырдылар.

Апас муниципаль районында “Свияга” агрофирмасы” ҖЧҖеннән – комбайнчылар Марат Гибадуллин, Илгиз Зиннуров, Рамил Шигһпов һәм башкалар бүләкләнде. «Без ел әйләнәсендә туган җиребездә эшлибез һәм менә алтынчы сезон инде комбайн штурвалында. Сәләхов Марсель төнге сменада эшли, ә мин – көндезгедә. Безнең хезмәтне шулай зурлап, премия биргәч, күңелле инде, әлбәттә», – дип, шатлыгын уртаклашты Илгиз Зиннуров.