Татарстан Республикасы Лениногорск муниципаль районында терлекчелек тармагының актуаль мәсьәләләре хакында фикер алыштылар

Лениногорск муниципаль районының “Маркс” ҖЧҖ базасында терлекчелек тармагының актуаль мәсьәләләре хакында фикер алыштылар. Фикер алышуда районның авыл хуҗалыгы һәм азык-төлек идарәсе башлыгы Илнур Шәмәрдәнов, «Лениногорск РДВБ» ДБУ башлыгы Рашат Әхмәтов, авыл хуҗалыгы оешмалары җитәкчеләре һәм белгечләре катнашты.

Семинар-киңәшмә барышында терлек азыгы әзерләү, сөт җитештерү күләмнәрен арттыру һәм эре мөгезле терлекләрдә үлекле дерматитны профилактикалау мәсьәләләре күтәрелде. Бүгенге көнгә районда 46 мең тонна сенаж һәм 6 мең тонна печән җыелган. «Шартлыча бер баш хайванга исәпләгәндә, 16 центнер азык туры килә», – диде Ильур Шәмәрдәнов.

Районның выл хуҗалыгы һәм азык-төлек идарәсе хуҗалыклар җитәкчеләрен терлекчелек биналарын кыш чыгуга әзерләүгә игътибар итәргә өндәде. «Барысы да комплекслы эшләнергә тиеш, – диде ул. – Терлекләрне яхшы карап тоту һәм дөрес тукландыру – аларның сәламәтлегенең һәм югары продуктивлылыкның төп нигезе».