Татарстанда һәркөнне 3800 тоннадан артык сөт савалар

Татарстанда 2017 елның 11 июлендә тулаем свылган сөт күләме 3829,1 тонна тәшкил итте (узган елның шушы чорына карата 105%).

Сөт җитештерүдә зур өлеш кертүчеләр арасында Кукмара районы терлекчеләре (узган тәүлектә 222,3 тонна сөт савып алдылар, 108%), алардан кала Балтач районы (210 тонна, 105%), Әтнә районы (184 тонна, 114%), Актаныш районы (180 тонна, 110%) һәм республиканың башка районнары терлекчеләре бар.

Тәүлек эчендә бер сыердан иң күп сөт Әтнә районында савылган – 25,9 кг. Саба районында бер сыердан уртача 21,5 кг сөт сауганнар, Кукмара районында – 21,3 кг, Балтач районында – 20 кг.