Татарстан Республикасы Авыл хуҗалыгы һәм азык-төлек министрлыгы белгечләре сидератлар куллану турында сөйләделәр
Сидератлар – туфрак уңдырышлылыгын арттыру өчен үстерелә торган үсемлек ул, диләр Татарстан Республикасы Авыл хуҗалыгы һәм азык-төлек министрлыгы белгечләре. Игенчелек практикасында бу агроалым элек-электән кулланыла иде, әмма узган гасыр уртасыннан башлап ул төшеп калды һәм беркайда да кулланылмады. Хәзер, органик игенчелекне күтәрә башлагач, сидератларның әһәмияте тагын артты.
Сидератлар туфракны органик матдәләр белән баета һәм чүп үләннәр үсүне тоткарлый. Сидератларның тамыр системасы нык һәм ул туфракның структурасын һәм суүткәрүчәнлеген яхшыртуга ярдәм итә, ул, тирәнгә үтеп кереп, туфракны көпшәкләтә һәм авыр, балчык туфракка һава үтеп керергә ярдәм итә, ә җиңел, комлы, көпшәк туфракны таралып китүдән саклый. Сидератларны үсемлекләрнең тамыр системасы ныгый башлагач чәчәләр, көзге культуралар чәчкәндә, сидерат орлыкларын чәчү алдыннан сибәләр.
Сидератларны яшелчә, декоратив культуралар чәчелгән рәт араларына яисә туфрак интенсив кулланудан ял иткән чорда ел буена чәчәргә дә мөмкин.