Татарстан районнарында азык әзерләү техникасының һәм азыксаклагычларның 2017 елгы сезонга әзерлеге буенча смотр-конкурслар уза
Бу атнада республика районнарында азык әзерләү техникасының һәм азыксаклагычларның 2017 елгы сезонга әзерлеге буенча смотр-конкурслар уза.
Кама Тамагы районы хуҗалыкларының әзерлеген Татарстан Республикасы Дәүләт техника күзәтчелеге идарәсе башлыгы Радик Зыятдинов җитәкчелегендәге комиссия тикшерде. Аның составында шулай ук Татарстан Республикасы Авыл хуҗалыгы һәм азык-төлек министрлыгының АПКны инженер-техник тәэмин итү бүлеге әйдәүче белгече Наил Әһлиуллов, район башлыгы урынбасары Газинур Габидуллин, районның Авыл хуҗалыгы һәм азык-төлек идарәсе башлыгы Илфат Вәлиев, «Татагрохим» ААҖ генераль директоры урынбасары Илдар Әфләтунов бар иде.
Экспертлар район хуҗалыкларындагы азык җыю комбайннарының, үзйөрешле чапкычларның, тагылма техниканың төзеклеген, шулай ук машина-трактор паркларының торышын һәм хезмәтне саклау кагыйдәләренең үтәлешен, үсемлекчелек буенча чаралар башкарылуын тикшерделәр.
Смотр-конкурс йомгаклары буенча 1 нче урынны – «Идел» ҖЧҖ, 2 нче урынны «Олы Кенәр» АҖҖ алды.
Аксубай районында техниканың әзерлеген «Госсорткомиссия» ФДБУ башлыгы Виталий Новичков җитәкчелегендәге комиссия тикшерде, аның составында шулай ук Татарстан Республикасы Авыл хуҗалыгы һәм азык-төлек министрлыгының АПКны инженер-техник тәэмин итү бүлегенең әйдәүче киңәшчесе Илнур Сафин бар иде.
Монда 1 нче урынны «Аксу Агро» ҖЧҖ алды, 2 нче урын «Аксубай» АФ” ҖЧҖенә бирелде.
Ютазы районында 1 нче урынны «Каракашлы» ҖЧҖ алды, 2 нче урында – «Уныш»ҖЧҖ. «Барлык таләпләр үтәлгән, һәрвакыттагыча, район аграрийлары яхшы әзерләнгән», – дип билгеләп үтте Татарстан Республикасы Авыл хуҗалыгы һәм азык-төлек министрлыгының АПКны инженер-техник тәэмин итү бүлегенең башлыгы Ришат Булатов.
Теләче районында 1 нче урын «Алан» ҖЧҖ алды, 2 нче урынны – «Игенче» ҖЧҖ һәм «Теләче Агро» ҖЧҖ Татарстан Республикасы Авыл хуҗалыгы һәм азык-төлек министрлыгының АПКны инженер-техник тәэмин итү бүлегенең терлекчелек һәм энергия ресурслары объектларын механикалаштыру секторы мөдире Илнар Габбасов әйтүенчә, район авыл хуҗалыгы оешмаларының азык әзерләү сезонына әзерлеге югары дәрәҗәдә бәяләнде.