Шанхайда азык-төлек товарлары һәм эчемлекләр буенча «FBIE China – 2017» халыкара күргәзмәсе узачак

2017 елның 19 июленнән 21 июленә кадәр Кытай Халык Республикасының Шанхай шәһәрендә азык-төлек товарлары һәм эчемлекләр буенча «FBIE China – 2017» халыкара күргәзмәсе узачак.

Күргәзмәгә килүчеләргә азык-төлекнең һәм азык сәнәгате буенча хезмәт күрсәтүләрнең бик күп төре, ит, балык һәм сөт продукциясен, икмәк-күмәч, кондитер әйберләрен, яшелчә, җиләк-җимешне, тәмләткечләрне дә кертеп, тәкъдим ителәчәк.

«FBIE China – 2017» сатып алу эшчәнлегенә һәм киң күләмле азык-төлек базарын тәэмин итүгә, Кытайда һәм, гомумән, бөтен дөньяда азык-төлек продуктларын һәм эчемлекләрне импортлауга һәм экспортлауга багышлана. Ул елга ике мәртәбә үткәрелә.

Моңа кадәрге күргәзмәдә дөньяның 40 иленнән 500ләп экспонент җыелган иде. Анда 10 меңнән артык кеше булган.