Татарстан сөт җитештерү һәм сату буенча Россиядә иң алда

Татарстанның авыл хуҗалыгы оешмалары һәм фермер хуҗалыклары Россия Федерациясе төбәкләре арасында тәүлеккә иң күп сөт җитештерүчеләр булып санала. Мәс., агымдагы елның 27 декабрендә 3 мең тонна сөт савылган (узган елның шул датасына карата 102,4%) сатылган – 2,9 мең тонна. Бер сыердан уртача савым 12,9 кг (+0,3 кг.). 2 нче урында – Краснодар крае, анда узган тәүлектә 2,6 мең тонна сөт савылган.

Республика юуенча сөт җитештерүдә үзләреннән Кукмара районы  (186 тонна, үсеш 18%), Балтач районы (177 тонна, үсеш 9%), Әтнә районы (160 тонна, үсеш 14%), Саба районы (136 тонна, үсеш 8%) һәм Актаныш районы (133 тонна, үсеш 4%) зур өлеш кертәләр.

Татарстанның сатылган сөт күләме Россия Федерациясе буенча гомуми күләмдә 7,6% тәшкил итә, сыерлар саны өлеше – 6,8%.