Татарстан Республикасы Тәтеш муниципаль районында яшь комбайнчылар арасында “Хезмәт кешесенә дан” республика конкурсында җиңүчеләрне бүләкләделәр

2016 елның 23 сентябрендә “Тәтеш авыл хуҗалыгы техникумы” ДАҺБУ (ГАПОУ) базасында яшь комбайнчылар арасында “Хезмәт кешесенә дан” 8 нче республика конкурсында җиңүчеләрне бүләкләү тантанасы булды.

Конкурс йомгакларын ясауда һәм җиңүчеләрне бүләкләүдә Татарстан Республикасы авыл хуҗалыгы һәм азык-төлек министрының инженер-техник сәясәт буенча урынбасары Тәлгать Таһирҗанов, Тәтеш муниципаль районының башкарма комитеты җитәкчесе Аркадий Семенычев, «КДАУ” югары һөнәри белем бирү ФДМУнең Механизация һәм техник сервис институты директоры Сергей Яхин, «Татарстан»ДТРК директорының радио буенча урынбасары Тәүфыйкъ Сәгыйтов, Татарстан Республикасы Авыл хуҗалыгы һәм азык-төлек министрлыгының фән, мәгариф һәм инновацион технологияләр бүлеге башлыгы Наил Хәмидуллин, телеведущие ГТРК «Татарстан» ДТРК алып баручылары Дмитрий Второвһәм Альбина Шакирова һәм башкалар катнашты.

Исегезгә төшерәбез, конкурсны Татарстан Республикасы Авыл хуҗалыгы һәм азык-төлек министрлыгы,«Татарстан» ДТРК, Татарстан Республикасы Мәгариф һәм фән министрлыгы, Татарстан Республикасы Хезмәт, халыкны эш белән тәэмин итү һәм социаль яклау министрлыгы, «Казан дәүләт аграр университеты» югары һөнәри белем бирү федераль дәүләт мәгариф учреждениесе “Бердәм Россия” партиясенең Татарстан бүлекчәсе ярдәмендә оештырдылар.

Ярышларда республиканың 15 муниципаль районыннан 30 яшькә кадәрге 15 комбайнчылар экипажы катнашты. Алар башта теоретик сорауларга, шулай ук икътисад һәм агротехнологияләр буенча сорауларга җаваплар бирделәр. Конкурсның практик өлешендә катнашучылар комбайнның технологик һәм техник төзелеше буенча үз осталыкларын күрсәттеләр.

Конкурс йомгаклары буенча 1 нче урынны Тәтеш муниципаль районының ”Башак” (Колос) агрофирмаы” ҖЧҖ механизаторы Альберт Шәйдуллин алды, 2 нче урынга Буа муниципаль районы “Кыят” ААҖеннәнАлександр Грачев чыкты, 3 нче урында – Биектау муниципаль районының “Березка” ҖЧҖеннән ФәридФәхриев.

Катнашучылар шулай ук номинацияләр буенча да бүләкләнделәр. «2016 елгы уракта “Иң яшь катнашучы” номинацииясе буенча Актаныш муниципаль районының “Эконом” ҖЧҖеннән Илшат Насыйпов бүләкләнде, «Иң күп стажлы» номинациясе буенча яшь комбайнчылар арасында Чистай муниципаль районының “Җүкетау” ҖЧҖеннән – Ранис Габетдинов. «Рекордлы ашлык суктыручы» номинациясендә Зәй муниципаль районының “Зәй” агрофирмасы” ҖЧҖеннән Артур Сафин җиңүче булды. «Иң яхшы теоретик белемле» номинациясе буенча – Сарман муниципаль районынының “Сарман” агрофирмасы” ҖЧҖеннән Алмаз Хәсәнов, «Иң яхшы практик белемле» номинациясе буенча Кукмара муниципаль районының “Туймә” ҖЧҖеннән Рафис Шакирҗанов җиңүче булдылар.

Конкурста җиңүчеләр «Казан дәүләт аграр университеты” югары һөнәри белем бирү ФДМУенә керү өчен юлламки.а-сертификатлар, акчалата премияләр һәм кыйммәтле бүләкләр алдылар.

Тантаналы чара республика эстрада артистларының һәм иҗат коллективларының җыр-биюләре белән чиратлашып барды.