Татарстан Республикасы Аксубай муниципаль районында кече хуҗалыкларга дәүләт ярдәме күрсәтү буенча аңлату эшләре алып баралар
Крестьян-фермер хуҗалыкларына һәм шәхси ярдәмче хуҗалыкларга дәүләт ярдәме программаларын гамәлгә ашыру максатында аңлату эшләре алып бару өчен Аксубай муниципаль районында белгечләр бригадасын авыл җирлекләренә чыгару оештырылган.
Аның составында – район башкарма комитеты җитәкчесенең беренче урынбасары Илшат Муратшин,башкарма комитетның икътисад бүлеге башлыгы Борис Соломонов һәм районның Авыл хуҗалыгы һәм азык-төлек идарәсе белгече Люция Әхмәтшина. Белгечләр район халкы белән очрашалар, авыл кешеләренә гамәлдәге дәүләт ярдәме программалары турында сөйлиләр, аларны бирү шартлары белән таныштыралар. Алар шулай ук төзелә торган мини-фермаларга баралар һәм алардагы эшләрнең торышы белән танышалар.
Быел Аксубай муниципаль районында сөтчелек юнәлешендә 8 башка исәпләнгән мини-фермалар төзү буенча чыгымнар өлешен каплауга 4 шәхси ярдәмче хуҗалык субсидия алды. Тагын 6 кеше документлар әзерли.