Авыл тематикасы буенча Бөтенроссия конкурсына 48 төбәк журналистларыннан 400дән артык эш керде
Авыл тематикасы буенча мәгълүмати-агарту проектларының Бөтенроссия конкурсына 27 июльгә Россиянең 48 төбәгеннән 450 эш керде.
Бирелгән гаризалар буенча Үзәк һәм Идел буе федераль округлары алда бара.Төбәкләр арасында иң активлары: Тамбов, Саратов һәм Калининград өлкәләре, Татарстан, Башкортостан һәм Чувашия республикалары. Бүгенге көнгә күпчелек гаризалар вакытлы матбугат басмалары һәм телевизион компанияләр журналистларыннан керде.
Конкурсның максаты – массакүләм мәгълүмат чаралары ярдәмендә авылда эшләү перспективаларын күрсәтү, актив кешеләргә авыл хуҗалыгын үстерүгә бәйле проектларда үзләрен күрсәтү мөмкинлегенбирү, яшь белгечләрне авылга җәлеп итү.
Журналистлар эшләренең Бөтенроссия конкурсы «2014-2017 елларга һәм 2020 елга кадәр чорга авыл территорияләрен тотрыклы үстерү» федераль максатчан программасы кысаларында үткәрелә. Номинацияләр арасында: – «Импортны алыштыру шартларында агросәнәгать комплексын үстерүне иң яхшы яктырткан өчен», «Авылда кече эшкуарлыкны һәм кооперацияне үстерү темасын иң яхшы яртырткан өчен», «Авыл территорияләренең тарихи-мәдәни һәм табигый куәтен саклап калу темасын иң яхшы яктырткан өчен» һәм башка темалар бар – барысы 13 номинация.
Җиңүчеләр дипломнар һәм акчалата премияләр белән бүләкләнәчәкләр. Конкурста катнашучыларның барысына да рәхмәт хатлары тапшырылачак.
Документлар 2016 елның 20 июненнән 31 августына кадәр agrosmi2016@yandex.ru электрон почта аша кабул ителә.
Бөтенроссия конкурсын уздыру һәм анда катнашу шартлары турында тулырак мәгълүмат белән конкурсның рәсми сайтында konkurs.agromedia.ru танышырга мөмкин.