Татарстан Республикасы җыелма командасы XI Бөтенроссия җәйге авыл спорт уеннарында катнашты

2016 елның 15 июленнән 20 июленә кадәр Россия Федерациясе Саратов өлкәсенең Саратов шәһәрендә XI Бөтенроссия җәйге авыл спорт уеннарының финал ярышлары узды. Уенннар программасына 17 спорт төре кергән иде: армспорт, билбау көрәше, волейбол, гирь спорты, городок спорты, җиңел атлетика, мас-рестлинг, мини-лапта,өстәл теннисы, аркан тартышу, полиатлон, самбо, өч төрле көрәштә көч чынашу, сыер савучылар, печән чабучылар, механизаторлар, спорт гаиләләре ярышлары. Уенннарда Россия Федерациясенең 67 субъектыннан спорт делегацияләре катнашты, спортчылар белән бергә 2 меңнән артык кеше иде.

Татарстан Республикасы Президенты Рөстәм Миңнеханов, Татарстан Республикасы Авыл хуҗалыгы һәм азык-төлек министрлыгы, Татарстан Республикасы Яшьләр эшләре һәм спорт министрлыгы ярдәмендә Татарстан Республикасы спорт делегациясе уеннар турындагы нигезләмә нигезендә программаның 12 төрендә катнашты (армспорт, җиңел атлетика, мини-лапта, аркан тартышу, сыер савучылар, печән чабучылар, механизаторлар, спорт гаиләләре ярышлары, самбо, мас-рестлинг, өч төрле көрәштә көч чынашу, билбау көрәше). Республиканың 8 авыл районыннан: Әгерҗе, Актаныш, Саба, Мамадыш, Кайбыч, Кукмара, Буа, Балтач муниципаль районнарыннан 39 спортчы, 4 тренер, 1 җитәкче (барысы 44 кеше) катнашты.

Россиянең 67 субъекты арасында Татарстан Республикасы җыелма командасы гомумкоманда исәбендә 5 нче урынны алды, авыл халкы 800 мең һәм аннан күбрәк булган төркем буенча 1 нче урынга чыкты.