Татарстан Республикасы Авыл хуҗалыгы һәм азык-төлек министрлыгы: сабан чәчүе 211,6 мең гектарда башкарылды - узган елга караганда 191,4 мең гектарга күбрәк

29 апрельгә тулаем республика буенча сабан культураларын чәчү 211,6 мең га мәйданда башкарылган, бу планнан 12 % тәшкил итә. Узган елның шушы чорында бу күрсәтеч 20,2мең га булган.

Иң күп мәйдан Зәй ( 18,6 мең га, ягъни 36%), Сарман ( 15,5 мең га, 28%), Чистай (12,6 мең га, 20%) Нурлат (12,5 мең га, 27%), Азнакай (12,4 мең га, 19%)  муниципаль районнарында чәчелгән.

Бөртекле сабан культуралары тулаем республика буенча 156,1 мең га мәйданда чәчелгән, ягъни фаразга карата  15% (2015 елда - 17 мең га). Шул исәптән сабан бодае - 21,4 мең  га, ягъни  фаразга карата 5%мәйданда чәчелгән, арпа - 102,6 мең  га, ягъни  29% (2015 елда - 14,5 мең га), солы - 21,3 мең  га, ягъни  34% (2015 елда - 2,5 мең га), борчак - 7,8 мең га, ягъни  14%, ашлык кукурузы - 2,1 мең  га, ягъни  2%.

Рапс 0,5 мең  га, ягъни  0,4% мәйданда чәчелгән, май орлыгы өчен көнбагыш - 10,1 мең  га, ягъни  фаразга карата 9%.

Шикәр чөгендере 11,2 мең  га, ягъни  планнан 18% мәйданда чәчелгән.