Татарстан Республикасы Әгерҗе муниципаль районында терлек сую пункты төзиләр
Татарстан Республикасы Әгерҗе муниципаль районының Наҗар авылы территориясендә терлек сую пункты төзелә.
Бу төзелешнең инициаторы - 20 елдан артык ит сату белән шөгыльләнүче РәшитШәйхетдинов.
Төзелеш мәйданчыгына электр пычкылары, электрон үлчәүләр китерелгән. Терлекләр кертеп тору өчен урын әзерләнгән. Тиреләр һәм эчәкләр өчен суыткыч вагоннар сатып алганнар, суүткәргеч уздырылган, озакламый җылылык җибәрәләр.
Шулай ук ветеринария белгечләре өчен лаборатория, хезмәткәрләр өчен ял итү бүлмәсе булдырыргапланлаштыралар.
«Терлек сую пунктын төзүне Дәүләт ветеринария инспекциясенең Чаллы территориаль бүлеге тикшереп тора», - дигән мәълүмат бирде район ветеринария берләшмәсе җитәкчесе Айрат Хәнәфиев.
«Терлек сую пунктын ачуны 1 ноябрьгә планлаштырабыз. Башта атнага 20 баш терлек эшкәртергә ниятләп торабыз, аннары арттырырбыз дип уйлыйбыз. Бәяләр чамадан тыш югары булмаячак», - дип хәбәр итте РәшитШәйхетдинов.