Татарстан Республикасы Авыл хуҗалыгы һәм азык-төлек министрлыгы командасы чаңгы ярышларында 3 нче урынны алды
7 мартта Татарстан Республикасы башкарма хакимияте органнары һәм Татарстан Республикасы дәүләт органнары аппаратлары хезмәткәрләре арасында чаңгы ярышлары буенча 5 нче Спартакиада узды. Ярышлар Зеленодольск шәһәрендә “Маяк” спорт базасында үткәрелде.
Министр урынбасары Тәлгать Таһирҗанов җитәкчелегендәге Татарстан Республикасы Авыл хуҗалыгы һәм азык-төлек министрлыгы командасы 3 нче урынны алды, Татарстан Республикасы Юстиция министрлыгы – 2 нче, ә 1 нче урынга Татарстан Республикасы Министрлар Кабинеты командасы чыкты.
Татарстан Республикасы Авыл хуҗалыгы һәм азык-төлек министрлыгы командасы составына аудит һәмкоррупциягә каршы эш бүлеге башлыгы Рәсил Гыйләҗев, игенчелек тармакларын үстерү бүлегенең әйдәүчеконсультанты Алмаз Галәүтдинов, терлекчелек тармакларын үстерү бүлегенең сектор мөдире РәдисХәйбуллин, терлекчелек тармакларын үстерү бүлегенең 1 нче разрядлы өлкән белгече Венера Беляева,финанслау бүлегенең 1 нче разрядлы өлкән белгече Гөлнара Фазыйлова кергән иде.
Команданы ирешкән уңышлары белән котлыйбыз!