X Бөтенроссия җәйге авыл спорт уеннарында Татарстан җыелма командасы 2 нче призлы урынны алды

2014 елның 8 – 13 июлендә Воронеж өлкәсенең Нововоронеж шәһәрендә X Бөтенроссия җәйге авыл спорт уеннары узды.

Уеннар программасына 17 спорт төре буенча ярышлар кертелгән иде, болар: армспорт, билбау көрәше,волейбол, гирь күтәрү, бур уены, җиңел атлетика, мас-рестлинг (таяк тартышу), кече-лапта, өстәл теннисы, аркан тартышу, полиатлон, самбо, көч кулланыла торган өчле көрәш, сыер савучылар ярышлары, чалгычылар ярышлары, механизаторлар ярышлары, спорт гаиләләре ярышлары. Уенннарда Россия Федерациясенең 66 субъектыннанспорт делегацяләре катнашты, барысы 2 меңнән артык спортчы иде.

Татарстан Республикасы Президенты Рөстәм Миңнеханов, Татарстан Республикасы Авыл хуҗалыгы һәм азык-төлек министрлыгы, Татарстан Республикасы Яшьләр эшләре һәм спорт министрлыгы ярдәмендә Татарстан Республикасы спорт делегациясе уеннар программасының 13 төрендә (армспорт, җиңел атлетика, кече-лапта, аркан тартышу, сыер савучылар ярышлары, чалгычылар ярышлары, механизаторлар ярышлары, спорт гаиләләре ярышлары, гирь күтәрү, самбо, мас-рестлинг(таяк тартышу), көч кулланыла торган өчле көрәш, билбау көрәше) катнашты. Делегация составына республиканың 9 авыл районыннан – Әгерҗе, Актаныш, Балтач, Буа, Зәй, Кайбыч, Кукмара, Мамадыш, Сабадан 39 спортчы, 4 тренер, 1 җитәкче (барлыгы 44 кеше) кергән иде. Ярышлар йомгаклары буенча Татарстан җыелма командасы гомумкоманда исәбендә - 2 нче урынны, ә халык саны 800 мең һәм аннан артыграк булган төбәкләр төркеме буенча 1 нче урынны алды.

Россия Федерациясе субъектларының халык саны 800 мең һәм аннан артыграк булган төбәкләре төркемнәренең йомгаклары:

Гомумкоманда беренчелеге йомгаклары

Спорт төрләре буенча җиңүчеләр һәм призерлар исемлеге