Татарстан делегациясе «UzFood-2026» азык-төлек продуктлары күргәзмәсендә булды
Бүген Татарстан Республикасы авыл хуҗалыгы һәм азык-төлек министры урынбасары Рөстәм Гайнуллов җитәкчелегендәге Татарстан Республикасы делегациясе Үзбәкстан Республикасының Ташкент шәһәрендә уза торган «UzFood-2026» халыкара азык-төлек продуктлары күргәзмәсе эшендә катнашты. Күргәзмә - азык-төлек сәнәгате һәм азык-төлек продуктлары секторында мөһим вакыйга, анда азык-төлек тармагының алдынгы җитештерүчеләре, тәэмин итүчеләре һәм дистрибьюторлары катнаша.
Экспозициядә «Казанские деликатесы» ҖЧҖ продукциясе тәкъдим ителде. Компания Казанда хәләл казылык һәм деликатес ризыклар: сосиска, пешкән һәм пешереп ысланган казылык, сарделька һәм ярым ысланган казылык, ветчина, пепперони, карпаччо һәм сыер итеннән, күркә һәм тавык итеннән деликатеслар җитештерә.
Шулай ук «UzFood-2026» күргәзмәсе барышында Рөстәм Гайнуллов «The RDB Group» дистрибьюторлык компаниясе белән эшлекле очрашу уздырды.
Үзара файдалы мөнәсәбәтләр партнерлыкны ныгыта һәм «Халыкара кооперация һәм экспорт» илкүләм проекты максатларына туры килә.