Татарстан делегациясе эш сәфәре белән Карелия Республикасында булды
Узган атнада Татарстан Республикасы делегациясе эш сәфәре белән Карелия Республикасында булды. Делегацияне Татарстан Республикасы авыл хуҗалыгы һәм азык-төлек министры урынбасары Гөлүс Баязитов җитәкләде.
Карелия Республикасы ягын аның Башлыгының беренче урынбасары - Карелия Республикасы Хөкүмәте Премьер-министры Андрей Сергеев җитәкләгән иде. Аның составына шулай ук Карелия Республикасы авыл хуҗалыгы һәм балык хуҗалыгы министры Ольга Палкина, балыкчылык эшчәнлеге буенча җитәкчеләр, фәнни хезмәткәрләр кергән иде.
Сәфәр барышында Гөлүс Баязитов Карелия Республикасы Башлыгының беренче урынбасары - Карелия Республикасы Хөкүмәте Премьер-министры Андрейс Сергеев һәм Карелия Республикасы авылхуҗалыгы һәм балык хуҗалыгы министры Ольга Палкина белән очрашты. Аквакультура өлкәсендә селекция эшенең актуаль мәсьәләләре буенча киңәшмәдә яклар 2025 елгы эш йомгаклары һәм Карелия Республикасының балыкчылк предприятиеләре белән партнерлык мөнәсәбәтләрен үстерү турында фикер алыштылар. Татарстан аквакультурасында селекция һәм генетика эше буенча алга таба хезмәттәшлек итү мәсьәләләренә аерым игътибар бирелде.
«Без Карелия Республикасы территориясендә товар керкә (форель) балыгын бергәләп үстерү һәм алга таба Татарстан Республикасы территориясендә сату өчен керкә балыгын үрчетүчеләр белән озак вакытлы һәм үзара файдалы хезмәттәшлек мөмкинлекләрен карыйбыз», - дип, билгеләп үтте министр урынбасары.
Гөлүс Баязитов Татарстанның агросәнәгать комплексы мөмкинлекләре турында сөйләде. Ул шулай ук Татарстан Республикасының Россия Федерациясендә авыл хуҗалыгы продукциясе җитештерү буенча алдынгы урыннарны биләвен һәм халыкны төп азык-төлек продуктлары белән тулысынча тәэмин итүен ассызыклады.
Карелиянең авыл хуҗалыгы һәм балык хуҗалыгы министры Ольга Палкина төбәкнең аквакультура предприятиеләренең 2025 елдагы эшчәнлек нәтиҗәләре турында сөйләде. Республиканың балык хуҗалыгы комплексы тотрыклы тора: 107,3 мең тонна балык тотылган һәм үстерелгән, 25 млрд сумлык продукция озатылган.
Аннары делегатлар «Федоренко Н.В.» ҖЧҖнең җитештерү куәтләре белән таныштылар, компания балык һәм уылдык үстерү, эшкәртү, шулай ук балык маен эшкәртү белән шөгыльләнә.
Аннары алар «Баренц» төркеме» ҖЧҖнең һәм «Балык тоту челтәре» ҖЧҖнең балык эшкәртү предприятиеләре белән таныштылар. Кондопогта (Кондопога районының Березовка п.) балык мае җитештерү цехы һәм гомуми балык эшкәртү җитештерүе күрсәтелде.
Эш сәфәре барышында Гөлүс Баязитов шулай ук «Аква Фид» ҖЧҖнең (ГК Федоренко Н.В.) балык катнаш азыгы җитештерү заводында булды. ул елга 50 мең тоннадан артык продукция җитештерергә сәләтле заманча катнаш азык әзерләү заводы. Проект Карелиядә керкә балыгы бизнесы хуҗасы Николай Федоренко тарафыннан гамәлгә ашырылган. Җитештерү 80%ка автоматлаштырылган, шулай ук түбән температура этабында ферментлар һәм пробиотиклар кебек сыек микродобавкалар кертүне хуплый. Икеләтелгән катнаштыру технологиясе балыкның төрле төрләре өчен төрле рецептуралар ясарга мөмкинлек бирә.
Аннары делегация «Карельская форель» компаниясе эшчәнлеге белән танышты, ул төсле керкә (радужная форель) һәм аның уылдыгын үрчетү һәм сатуда махсуслашкан.
«Карельская форель» – Ладога күленең экологик чиста яр буе зонасында урнашкан тулы цикллы акваферма. Компаниянең судан файдалануга рөхсәте бар, ул «Ладожские шхеры» дәүләт тыюлыгы территориясендә балык үрчетергә мөмкинлек бирә.
Эшлекле сәфәрдән соң катнашучылар «Фарелия» компанияләр төркеменең («Парола» бренды) җитештерү мәйданчыкларында булдылар. Партнерлык елга 3000 тоннага кадәр суытылган керкә балыгы чыгарырга мөмкинлек бирә. Эшкәртелгән килеш (тозланган, ысланган керкә, уылдык һ.б.) әзер продукция күләме елга якынча 900 тоннага җитә, шул ук вакытта тозланган уылдык партияләр белән 100 тоннага кадәр фасовкалана.
Татарстан Республикасы белән Карелия арасындагы үзара файдалы мөнәсәбәтләр партнерлыкны ныгыта һәм «Халыкара кооперация һәм экспорт» илкүләм проекты максатларына туры килә.