«Үз фермерлыгым» («Свое фермерство») агробизнесы өчен навигатор тагын да уңайлашты
Россельхозбанкның «Свое фермерство» платформасы командасы «Яшь фермер навигаторы» бүлегенең киң күләмдә яңартылуы турында игълан итә. Сервисны үстерү кысаларында агробизнесның актуаль юнәлешләре өстәлгән, бизнес‑планлаштыру инструментлары киңәйтелгән һәм коммерция өлеше яхшыртылган.
Платформаның «Свое фермерство» бүлегендә яшь аграрийлар һәм авыл хуҗалыгы бизнесы турында уйланучылар өчен түбәндәге перспектив юнәлешләргә багышланган яңа тематик сәхифәләр ачылган: дөяләр үрчетү, яклар үрчетү, кәбестә үстерү, питомниклар оештыру һәм камыр ризыклары җитештерү. Һәр сәхифәдә бизнесны башлау буенча киңәшләр, төп этапларны тасвирлаулар, төп таләпләр бар.
Яңалыкларны тормышка ашыру өчен көчле этәргеч булып базар күрсәткечләре тора. 2025 ел йомгаклары буенча платформа бүлеге гаҗәпләнерлек үсеш динамикасын күрсәтте: керүчеләр саны алдагы ел белән чагыштырганда 95%ка артты, ә кулланучылар тарафыннан күчереп алынган бизнес‑планнар саны 2,6 тапкырга артты, аларның саны 16 823кә җитте. Бу күрсәткечләр бүлек белән кызыксыну артуны объектив раслый һәм аграр бергәлекнең потенциаль вәкилләре һәм төрле юнәлешләрдәге һәм тематикадагы тармак экспертлары арасында аның популярлыгы артуын күрсәтә.
Эш башлаучы фермерларның мәнфәгатьләрен һәм планнарын төгәлрәк исәпкә алу өчен, «Своё Фермерство» платформасы командасы «Фермер мәктәбе»ндә укучылар һәм аны тәмамлаучылар арасында даими сораштырулар үткәрә. Әлеге тикшеренүләр базар анализын тулыландыра һәм аудитория ихтыяҗларына максималь туры килә торган контент булдырырга, шулай ук эшкуарларның реаль ихтыяҗларына җавап бирә торган бизнес‑модельләр эшләргә мөмкинлек бирә.
Инвестиция чыгымнарына мисаллар яңа инструмент булды. Алар бизнесны башлап җибәрү бәясен масштабка карап чагыштырырга мөмкинлек бирә - мәсәлән, 5 га яки 10 га мәйданлы участоклар өчен. Мөһим өстенлек шунда, инвестиция чыгымнарын исәпләгәндә, кулланучы сайланган тематика буенча агробизнесны эшләтә башлау өчен кирәкле товарларны шунда ук күреп ала. Маркетплейска күчәргә һәм тәкъдимнәр белән танышырга яки бәяләрне реаль вакытта чагыштырып карарга мөмкин.
Төп мәгълүмат һәм маркетплейска турыдан-туры сылтамалар белән хуҗалык өчен кирәкле товарларның мондый блогы җайланмалар һәм материаллар сатып алуны җиңеләйтә.
Якын арада платформа бүлеге агротуризм буенча эксклюзив блок белән тулыландырылачак, бу – агробизнесны яңа дәрәҗәгә чыгару өчен уникаль мөмкинлек.
Кулланучылар, гамәлдәге бизнес‑модельгә туристик программаларны органик рәвештә кертеп, өстәмә керем чыганагын ничек булдырырга, төп җитештерүгә зыян китермичә, агротуризмны агымдагы эш процессларына ничек итеп уңышлы кертеп җибәрергә, шулай ук хуҗалык үзенчәлекләрен кызыктырырлык туристлык продуктларына ничек итеп әверелдерергә икәнен өйрәнәләр, беләләр.
Яңарту кысаларында кулланучылар түбәндәге комплекслы инструментлар пакетыннан файдалана алалар:
- агротуризмның төрле форматларын гамәлгә кертү буенча әзер бизнес-планнар - мини-экскурсияләрдән алып күпкөнлек программаларга кадәр;
- үзегезнең хуҗалык үзенчәлекләрен, локацияне һәм максатчан аудиторияне исәпкә алып, оптималь программаны сайлау критерийлары;
– кирәкле җайланмаларның һәм хезмәтләрнең детальләштерелгән исемлеге - кунак зоналарын җайлаудан алып мастер‑класслар өчен инвентарь сатып алуга кадәр;
- инвестиция кәрҗинен маркетплейсның актуаль бәяләре нигезендә сценарийлар һәм аклану сроклары буенча исәпләү.
Бу блок фермерлык хуҗалыгын күпфункцияле агротуристик комплекска трансформацияләү буенча практик гид булачак.
“Без яңа эш башлаучы фермер өчен максималь дәрәҗәдә практик инструмент булдырабыз. Яңа юнәлешләр, чыгымнарга мисаллар һәм маркетплейс белән интеграцияләнү кулланучыларга теорияне өйрәнергә генә түгел, ә бизнесны башлап җибәрү буенча реаль адымнарны да шунда ук бәяләргә мөмкинлек бирә”, – дип сөйли Россельхозбанк идарәсе рәисе урынбасары Елена Батурова.