«Хатын-кыз фермер: Җир Йөзе» халыкара фотоконкурсы башланды
2026 ел Берләшкән Милләтләр Оешмасы тарафыннан Халыкара хатын-кыз фермерлар елы дип игълан ителде. Бу – безнең өстәлләрдә икмәк, ә өйләрдә җылылык һәм рәхәтлек булсын өчен һәркөнне таңнан кичкә кадәр армый-талмый җирдә эшләүчеләргә дөнья үз карашын юнәлтә торган чор.
“Хатын-кыз фермер: Җир Йөзе” халыкара фотоконкурсы - бүгенге көннең чын героиняларын: авыл хуҗалыгының киләчәген үз куллары белән тудыручы хатын-кызларны сурәтләүгә һәм дөньяга чыгаруга юнәлдерелгән масштаблы проект.
Конкурс «Интернациональ хатын-кызлар берлеге» ТИО тарафыннан гамәлгә куелган һәм Россия Федерациясе белән багланышлар булдыру өчен Берләшкән Милләтләр Оешмасының Азык-төлек һәм авыл хуҗалыгы бүлекчәсенең (ФАО) техник ярдәме белән, шулай ук Россия Федерациясе Авыл хуҗалыгы министрлыгы ярдәмендә үткәрелә.
Конкурс сурәтләрендә төшерелгән уңышлар «Азык-төлек иминлеген технологик тәэмин итү» илкүләм проектының «АПКда кадрлар» федераль проектында потенциаль катнашучылар өчен ачык күрсәтмә үрнәге булырга мөмкин. Авыл хуҗалыгын алып баруның традицион ысулларын заманча технологияләр белән уңышлы яраштыручы хатын-кызларның тарихлары агросәнәгать комплексында карьера үсеше һәм үз-үзеңне күрсәтү өчен реаль мөмкинлекләр тудыра.
Ул түбәндәге номинацияләр буенча үткәрелә: «Җирдәге портрет», «Хезмәт сәнгать кебек», «Җир байлыклары», «Традицияләр һәм хәзерге заман» һәм «Гаилә фермасы». Катнашуга профессиональ фотографлар, һәвәскәр фотографлар һәм хатын-кыз фермерлар үзләре чакырыла, алар авторлар ролендә дә, фотоларның героинялары ролендә дә була алалар. Гаризалар 2026 елның 25 сентябренә кадәр кабул ителә.
Конкурсның тулы шартлары һәм Нигезләмәсе белән рәсми сайтта танышырга мөмкин һәм шунда ук гариза да бирергә була: https://womenagriculture.org/.