Идел буе агробизнесы Казанда җыела: «Казан Агро - 2026» нәрсә әзерли
2026 елның 11-13 февраль көннәрендә «Казан Экспо» халыкара күргәзмә үзәгендә «Казан Агро - 2026» күргәзмәсе узачак. Чара Идел буе төбәкләре агросәнәгать комплексының 300дән артык компаниясен һәм предприятиеләр, фермер хуҗалыклар, фәнни үзәкләр һәм идарә органнары вәкилләреннән торучы 12 000нән артык белгечне берләштерәчәк.
“Казан Агро” - ул технологияләр һәм продукция күрсәтә торган урын гына түгел, ә төбәкләрне тоташтыра, бизнес үсешенә булыша һәм илнең азык-төлек иминлеген ныгытуга ярдәм итә торган нәтиҗәле коммуникация платформасы да.
Күргәзмәнең тематикасы, гадәттәгечә, АПКның төп юнәлешләрен үз эченә ала, моңа техника һәм запас частьләр, терлекчелек, үсемлекчелек, цифрлаштыру, азык-төлек сәнәгате, төргәкләү, эшкәртү һәм саклау, АПКына хезмәт күрсәтүләр, мәгариф һәм фән юнәлешләре керә. 2026 елда “Казан Агро” яңа - “Агротуризм” бүлеген тәкъдим итәчәк, ул туристлык проектлары аша авылча ял итү һәм фермер хуҗалыкларын үстерү мөмкинлекләре белән кызыксынуның артуын чагылдыра.
Катнашучы компанияләр өчен «Казан Агро» - төп аудитория белән турыдан-туры әңгәмә кору мөмкинлеге ул. 2025 елда күргәзмәгә Россиянең 78 төбәгеннән һәм дөньяның 10 иленнән 12,5 меңнән артык тармак белгече килгән, шуларның 60,3%ы - контрактлар төзү турында карар кабул итүче компанияләрнең топ-менеджмент вәкилләре. Күргәзмәдә катнашучы үз продукциясен күрсәтә, яңа эшләнмәләргә ихтыяҗны сынап карый, дистрибьюторлар, агрохолдинглар һәм фермер хуҗалыклары белән элемтәләр урнаштыра ала. Төбәк юнәлешле вакыйга экспонентларга Идел буе базарында позицияләрен ныгытырга һәм заказчылар һәм партнерлар белән тотрыклы элемтәләр урнаштырырга ярдәм итә.
Күргәзмәгә килүчеләр - фермерлар, агропредприятиеләр җитәкчеләре, муниципаль администрацияләр һәм мәгариф учреждениеләре вәкилләре - иң яңа технологик чишелешләр белән таныша, тармакның актуаль мәсьәләләре турында фикер алыша һәм экспертлардан консультацияләр ала алачак.
Традиция буенча күргәзмә кысаларында Татарстан Республикасы Авыл хуҗалыгы һәм азык-төлек министрлыгының йомгаклау коллегиясе утырышы узачак, анда төбәкнең еллык авыл хуҗалыгы эшләренә йомгаклар ясалачак һәм алга таба үсешнең өстенлекле юнәлешләре билгеләнәчәк. Моннан тыш, «Казан Агро» эшлекле программасы 20дән артык чараны үз эченә ала: түгәрәк өстәлләр, тармак үсешенең төп юнәлешләре буенча презентацияләр һәм фикер алышулар.
Төп вакыйгалар арасында - Science Slam, ул авыл хуҗалыгы өлкәсендәге проектлар өстендә эшләүче яшь тикшеренүчеләрне һәм инноваторларны берләштерә. Шулай ук «Кадрлар көне»н уздыру - эш бирүчеләрнең һәм яшь белгечләрнең тәҗрибә уртаклашуына һәм «Азык-төлек иминлеген технологик тәэмин итү» илкүләм проектының «АПКда кадрлар» федераль проектына ярдәм йөзеннән агросәнәгать комплексында эшкә урнашу мөмкинлекләре турында фикер алышуга юнәлдерелгән очрашу планлаштырылган.
“Казан Агро - 2026” - Идел буеның бизнесны, фәнне һәм дәүләтне берләштерүче төбәк агросәнәгать хезмәттәшлек үзәге. Биредә профессионаллар очраша, округ масштабларында авыл хуҗалыгы үсешен билгели торган чишелешләр табыла һәм элемтәләр урнаштырыла.
Чарада катнашу өчен түбәндәге сылтама буенча теркәлергә мөмкин: https://kazan-agro.ru./