Рөстәм Миңнеханов: бүген Татарстан командасы - ул барыбыз да - илгә һәм республикага хезмәт итүче дә, туган йортын саклаучы да, эш урынында хезмәт итүче дә, бу - без - һәрберебез
Бүген Казанда Татарстан Республикасы Рәисе вазыйфасына керешү уңаеннан тантаналы чаралар узды. Тантаналы чарада Россия Федерациясе Хөкүмәте Рәисе урынбасары Марат Хөснуллин, Россия Федерациясе Президентының Идел буе федераль округындагы Вәкаләтле вәкиле Игорь Комаров, Россия Федерациясе Федераль Собраниесе Дәүләт Думасы Рәисе урынбасары Александр Бабаков, Татарстан Дәүләт Киңәшчесе Минтимер Шәймиев, дустанә илләрнең Гадәттән тыш һәм Вәкаләтле илчеләре, Россия Федерациясе субъектлары башлыклары, махсус хәрби операция Геройлары һәм башкалар катнашты.
2025 елның 14 сентябрендә тавыш бирү нәтиҗәсендә сайланган Татарстан Республикасы Рәисе Рөстәм Миңнеханов Татарстан Республикасы халкына, Россия Федерациясе Конституциясенә, Татарстан Республикасы Конституциясенә тугры булуына ант бирде.
“Хөрмәтле тантанада катнашучылар һәм кунаклар! Мөхтәрәм ватандашлар! Татарстан Республикасы Рәисе вазыйфасына керешер алдыннан, иң элек, миңа күрсәткән ышанычлары өчен гражданнарыбызга күрсәткән ышанычлары өчен рәхмәт белдерәсем килә. Татарстанның күпмилләтле халкы сайлавын кабул итеп, республиканың барлык халкы, гореф-гадәтләрне, кыйммәтләрне һәм туган җиргә мәхәббәтне саклап калган һәм безгә тапшырган ата-бабаларыбыз, шулай ук киләчәк буыннар алдында аның язмышы өчен җаваплы булуымны аңлыйм. Бөек Ватан сугышы елларында азатлык яулаган барлык Ватанны саклаучыларга һәм бүген махсус хәрби операция барышында аларның ил иминлеге өчен көрәшүче варисларына баш иябез. Һәр ветеранның, һәр Ватанны саклаучының һәм аларның гаиләләренең иминлеген тәэмин итү – шәхсән минем һәм шулай ук барлык хакимият органнарының бурычы.
Республикага шәхси ярдәмнәре һәм игътибары өчен Россия Федерациясе Президенты Владимир Владимирович Путинга, Михаил Владимирович Мишустин җитәкчелегендәге илебез Хөкүмәтенә, Татарстанның беренче Президенты, Россия Хезмәт Герое, остазым Минтимер Шәрип улы Шәймиевка зур рәхмәтемне һәм тирән хөрмәт сүзләрен җиткерәсем килә.
Шулай ук котлау телеграммалары һәм минем адреска мөрәҗәгатьләр җибәргән һәркемгә изге теләкләрен җиткерүләре өчен рәхмәтемне белдерәм. Ихлас рәхмәтемне кабул итегез! Хөрмәтле утырышта катнашучылар! Хөрмәтле хезмәттәшләр! Соңгы биш елда Татарстан пандемия чорында, санкцион басым һәм икътисадый багланышлар трансформациясе барышында үзенең тотрыклылыгын ачык күрсәтте. Бүген безнең республика - илнең терәк төбәге. Уртак хезмәтебезнең нәтиҗәсе: көчле икътисад; социаль иминлек; уңайлы мохит; милләтара и конфессияара тынычлык и татулык. Бу елларда республика тулаем төбәк продуктын һәм сәнәгать җитештерүен арттырды, цифрлы трансформация буенча лидерлыкка чыкты. Илкүләм проектлар һәм республика программалары кысаларында тормыш сыйфатын күтәрү, шул исәптән торак, социаль объектлар, юллар төзү һәм капиталь ремонтлау, ишегалларын һәм җәмәгать урыннарын төзекләндерү буенча гаять зур эшләр башкарылды.
Безнең эшләрнең үзәгендә - кешеләр турында кайгырту. Нәкъ менә кеше - 2030 елга кадәр республиканың социаль-икътисадый үсеше стратегиясенең үзәк өлеше булып тора, ә гражданнарның тормыш сыйфатын күтәрү безнең өстенлегебез булып кала. Бу юнәлештәге эшләүне без алга таба да дәвам итәчәкбез. Хөрмәтле утырышта катнашучылар! Хөрмәтле хезмәттәшләр! Бүген Татарстан командасы - бүген Татарстан командасы - ул барыбыз да - илгә һәм республикага хезмәт итүче дә, туган йортын саклаучы да, эш урынында хезмәт итүче дә, бу - без - һәрберебез.
Алда безне зур эшләр көтә, шул исәптән сайлау кампаниясе кысаларында әйтелгән наказларны һәм тәкъдимнәрне үтәү буенча да. Монда мин сайлауларда катнашкан барлык сәяси көчләр вәкилләренә исәп тотам. Бары тик бергә, бердәм һәм көчле җәмгыять белән генә без тагын да зуррак нәтиҗәләргә ирешәчәгебезгә ышанам. Бу юлда барыбызга да уңышлар телим. Татарстан үсешенең төп юнәлешләре минем тарафтан Татарстан Республикасы Дәүләт Советына Юллама бирү барышында тәкъдим ителәчәк. Игътибарыгыз өчен рәхмәт. Бик зур рәхмәт сезгә!”, - диде Рөстәм Миңнеханов Татарстан Республикасы Рәисе вазыйфасына керешү тантанасында.