Татарстан Республикасы авыл хуҗалыгы һәм азык-төлек министры урынбасары Николай Якушкин Татарстанның агробизнес кадрларын яңадан әзерләү институты (ТИПКА) ректоры вазыйфасын билиячәк

Татарстан Республикасы Министрлар Кабинетының 2013 елның 22 ноябрендәге 907 номерлы карары белән 2013 елның 15 ноябреннән Николай Якушкин Татарстан Республикасы авыл хуҗалыгы һәм азык-төлек министрының беренче урынбасары вазыйфасыннан азат ителде.

Николай Якушкин Федераль дәүләт бюджет өстәмә белем бирү мәгариф учреждениесе - Татарстанның агробизнес кадрларын яңадан әзерләү институты (ДПО ТИПКА) ректоры вазыйфасын билиячәк.

Николай Якушкин 1953 елның 7 июлендә Татарстан АССР Тәтеш районы Пролей-Каша авылында туган, 1976 елда Горький ис. Казан дәүләт авыл хуҗалыгы институтын тәмамлаган.

Икъдисад фәннәре докторы, профессор.

Татарстан Республикасының атказанган икътисадчысы.

Фән һәм техника өлкәсендә Дәүләт премиясе лауреаты.

«Казанның 1000 еллыгы истәлегенә» медале белән бүләкләнгән.

Эшләре:

1976-1976 елларда - ТАССРның Тәтеш районы «Дружба» күмәк хуҗалыгы икътисадчысы; 
1976-1977 елларда - СА сафларында хезмәт итә; 
1977-1978 елларда - ТАССРның Тәтеш районы «Дружба» күмәк хуҗалыгы баш икътисадчысы; 
1978-1982 елларда - КСХИның политэкономия кафедрасы ассистенты; 
1982-1985 елларда - КСХИ аспиранты 
1985-1985 елларда - КСХИның политэкономия кафедрасы ассистенты;
1985-1986 елларда - КСХИ авыл хуҗалыгы җитештерүен оештыру кафедрасы ассистенты;
1986-1987 елларда - КСХИның авыл хуҗалыгы җитештерүен оештыру кафедрасында өлкән мөгаллим; 
1985-1987 елларда - КСХИның икътисад факультеты деканы урынбасары; 
1987-1989 елларда - КПССның Татарстан өлкә комитеты авыл хуҗалыгы һәм азык-төлек сәнәгате бүлеге инструкторы;
1989-1990 елларда - КПССның Татарстан өлкә комитеты аграр бүлеге инструкторы; 
1990-1990 елларда - КПССның Татарстан өлкә комитеты социаль-икътисад бүлеге консультанты; 
1990-1993 елларда - КСХИның политэкономия кафедрасы доценты;
1993-1993 елларда - ТССР Президенты Аппаратының оештыру бүлеге әйдәүче референты; 
1993-1994 елларда - ТССР Президенты Аппаратының оештыру бүлеге баш референты; 

1994 елның ноябреннән - 2013 елның ноябре - Татарстан Республикасы авыл хуҗалыгы һәм азык-төлек министрының икътисад һәм аграр үзгәртеп корулар буенча урынбасары.