Казан дәүләт аграр университетында Беренче студентлар мәйданы ачылды
Казан дәүләт аграр университетының Механизация һәм техник сервис институтында Беренче студентлар мәйданын ачу тантанасы узды. Ул студентларның идеяләрен һәм инициативаларын җәлеп итү үзәге булып хезмәт итәчәк, алар анда үз талантларын үстерә һәм проектларын гамәлгә ашыра алачак.
Казан дәүләт аграр университетында Студентлар мәйданы 100 м2лы трансформалаштырыла торган ачык функциональ зонадан гыйбарәт. Концепция нигезендә ул уку, ял итү, чаралар уздыру һәм туклану өчен уңайлы булган төрле функциональ сценарийлар белән берничә төп зонага бүленгән, шулай ук килүчеләргә уңайлы булсын өчен гардероб һәм әйберләрне саклау урыны да каралган. Студентлар һәм килүчеләр җиңел һәм тиз арада төрле зона мәйданнарын тапсын өчен аларны бизәүдә төрле төсләр, чараларны күрсәтә торган алмашынып торучан иконкалы-белдерүләр белән планшетлар һәм башка җиңел таныла торган билгеләр актив кулланылачак.
Студентлар мәйданнарын булдыру «Азык-төлек иминлеген технологик тәэмин итү» илкүләм проекты кысаларында «АПКда кадрлар» федераль проекты максатларына туры килә. Аның төп бурычларыннан берсе - Россия авыл хуҗалыгы өлкәсенең кадрлар белән тәэмин ителешен арттыру, шулай ук тармакка яшьләрне җәлеп итү.