2025 елда Татарстанда авыл территорияләрен комплекслы үстерүгә 4,1 млрд. сум акча биреләчәк
Татарстан Республикасы «Авыл территорияләрен комплекслы үстерү» дәүләт программасында актив катнаша. 2024 елда әлеге программа буенча чараларны финанслауның гомуми күләме 5,3 млрд сум булды, шул исәптән: федераль бюджеттан - 3,9 млрд сум, Татарстан Республикасы бюджетыннан - 909 млн сум, җирле бюджет акчалары - 22 млн сум, бюджеттан тыш акчалар - 495 млн сум, дип хәбәр итә Татарстан Республикасы Авыл хуҗалыгы һәм азык-төлек министрлыгы.
Бу акчаларга түбәндәгеләр өчен эшләнде; «Авыл территорияләрендә яшәүче гражданнарның торак шартларын яхшырту» юнәлеше буенча 10 гаиләгә - 882 кв. метр һәм «Яллау шартнамәсе буенча торак төзү (сатып алу)» юнәлеше буенча 118 гаиләгә 8660,7 кв. метр торак бирелде; 38 муниципаль районда 92 җәмәгать урыны төзекләндерелде; Лаеш районында компактлы торак төзү буенча 1 проект гамәлгә ашырылды; 1,5 млрд. сумга 8 социаль-мәдәни көнкүреш объектына һәм 3 агросәнәгать комплексы объектына 44 км автомобиль юллары норматив хәлгә китерелде; “Авыл территорияләренең бүгенге торышы” федераль проекты буенча 10 социаль һәм 9 инфраструктура объекты төзекләндерелде.
2025 елда әлеге программа чараларын гамәлгә ашыруга 4,1 млрд. сум акча биреләчәк.
2024 елда «Авыл ипотекасы» программасы буенча 3,8 млрд. сум күләмендә 747 ипотека кредиты бирелгән.