Марат Җәббаров «Теләкләр чыршысы» Бөтенроссия хәйрия акциясендә катнашты
Татарстан Республикасы Дәүләт Советы бинасында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров «Теләкләр чыршысы» Бөтенроссия хәйрия акциясендә катнашты.
Беренчеләр Хәрәкәте ел саен яңа ел бәйрәмнәре алдыннан «Теләкләр чыршысы» Бөтенроссия акциясен башлап җибәрә — ул игелекле гамәл кылырга теләүчеләрнең, чыршыга теләкләре язып эленгән ярдәмгә мохтаҗ кешеләрне табып, аларга бүләкләр бирә яки аларның теләкләрен үти торган урын.
Марат Җәббаров яңа ел чыршысыннан Татарстан Республикасы Кукмара шәһәреннән Рүзиянең теләге белдерелгән шарны алды. 13 яшьлек кыз бала бүләккә телескоп алырга хыяллана. Акция кысаларында тагын Биектау районыннан 11 яшьлек Ралинга ул батут бүләк итәчәк.
«Теләкләр чыршысы» Бөтенроссия хәйрия акциясе 2018 елдан башлап бөтен Россия буйлап уза һәм ел саен изге гамәлләр кылырга әзер меңләгән кешене берләштерә. Акциядә катнашучыларның теләкләрен ел саен битараф булмаган меңләгән граждан тормышка ашыра, болар: дәүләт учреждениеләре, коммерциячел оешмалар вәкилләре, шәхси затлар.
Быел “Теләкләр чыршысы” 2024 елның 15 ноябреннән 2025 елның 28 февраленә кадәр уза. Акциядә 3 яшьтән алып 17 яшькә кадәрге балалар катнаша.