Чүпрәле районында терлекчелекне үстерү мәсьәләләре буенча фикер алыштылар
Бүген Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров эш сәфәре белән Чүпрәле муниципаль районында булды, анда ул «Цифрлаштыру һәм заманча технологияләр кертү юлы белән терлекчелек продукциясен җитештерүнең нәтиҗәлелеген арттыру» темасына зона семинар-киңәшмәсе үткәрде.
Анда шулай ук министр урынбасарлары Гелүс Баязитов, Рафаэль Фәттахов, Чүпрәле муниципаль районы башлыгы Марат Гафаров, авыл хуҗалыгы һәм азык-төлек идарәләре башлыклары, терлекчелек буенча консультантлары, инвестиция компанияләре җитәкчеләре, хуҗалыклар җитәкчеләре һәм зоотехниклары катнашты.
Сәфәр барышында министр район активы белән «Дрожжаное Рассвет Агро» ҖЧҖнең көзге бодай кырында очрашты һәм «Дуван бакчалары» авыл хуҗалыгы кулланучыларының тәэмин итү-сату кооперативында булды.
“Безнең республиканың мөмкинлекләре бүгенгегә караганда күпкә югарырак. Без сезнең белән терлекчелек продукциясен җитештерүне күпкә арттыра алабыз. Моның өчен барлык шартлар да бар. Фермерларга һәм безнең инвесторларга мөрәҗәгать итәм. Терлекчелек фермалары - безнең авыл халкы өчен төп эш урыны. Терлекләр санын киметеп, без бу авылларның киләчәген куркыныч астына куябыз”, – диде Марат Җәббаров.
Бүгенге көндә республикада тәүлеклек сөт җитештерү күләме 4 мең 855 тоннадан артып китә, бу узган елгы дәрәҗәдән 281 тоннага күбрәк (106%).
Гелүс Баязитов үз чыгышында 433 мең тонна сөт җитештерелүен билгеләп үтте, узган елга карата үсеш 8%. Сөт җитештерү күләме буенча төбәкләр рейтингында республика 1 урында тора. Бер сыердан уртача тәүлеклек савым 22,5 кг тәшкил итә, 1,5 кг-га артык. Монда без төбәкләр арасында 29 нчы урында гына, гәрчә бер ел эчендә 4 позициягә күтәрелсәк тә.
1 апрельгә эре мөгезле эре терлекләр, сарыклар, кәҗәләр һәм кош-кортлар саны узган елгы дәрәҗәгә кадәр төшкән. Шул ук вакытта дуңгызлар һәм атлар саны буенча уңай динамика күзәтелә, үсеш 1 %.
Һәр районда терлекләр санын арттыручы хуҗалыклар бар, аларның санын киметүне дәвам итүчеләр дә бар. Буа районында Авангард һәм Ямбулат хуҗалыклары яхшы динамика күрсәтә. Кайбыч районының Туган як-Агро хуҗалыгында мөгезле эре терлекләр буенча да, сыерлар саны буенча да яхшы динамика. Шул ук вакытта Тәтеш районы хуҗалыкларында да сыерлар санын тотрыклы тоталар.
Аннары ул районнарда сарыклар һәм атларга тукталды. Югары Ослан, Апас һәм Тәтеш районнарында сарыклар саны узган елдагыдан арткан. Зеленодольск һәм Чүпрәле районнарында атлар саны буенча хәл тотрыклы. Буа районында шактый арткан – +212 баш.
“Хөрмәтле коллегалар! Сарык һәм атчылык продукциясенә ихтыяҗ елдан-ел арта. Бу юнәлештә фермер хуҗалыкларын үстерүне кызыксындыру өчен агымдагы елдан башлап «Агростартап» грант ярдәме программасына яңа эш башлаучы фермерлар өчен үзгәрешләр кертелде. Бу 2 юнәлеш хәзер өстенлекле юнәлешләр, баллар сөт терлекчелегенә кебек исәпләнә”, - дип билгеләп үтте Гелүс Баязитов.
Агымдагы елның беренче кварталы нәтиҗәләре буенча сөт җитештерүчеләр рейтингы чыгарылды. Әлеге зонаның барлык хуҗалыклары 3 төркемгә бүленгән. 1нче төркем - савым сыерлары 1 мең баштан артык булган хуҗалыклар, 2нче төркем - 500 баштан - 1 мең башка кадәр терлекләре булган хуҗалыклар, 3нче төркем – терлекләр саны 500 баштан азрак булган хуҗалыклар.
1нче төркемдә 1 урынны Буа районының Авангард хуҗалыгы алды, бер сыердан савым 2463 кг тәшкил итә, бу уртача республика күрсәткеченнән артып китә.
2 нче төркем хуҗалыклары арасында Чүпрәле районының Чынлы хуҗалыгында беренче урында. Биредә 1 сыердан савым 2931 кг тәшкил итә. Терлекләр белән белән селекция-токым эше алып баруның нәтиҗәләре күренә.
3 нче төркемдә уртача республика күрсәткеченнән өч хуҗалык арттырып җибәргән: Апас районыннан Ибраһимов һәм К, Буа районыннан Ямбулат һәм Кайбыч районыннан Туган як-Агро хуҗалыклары.
1 кварталда 70 мең 800 баш бозау туган. 89 мең баш сыер һәм тана орлыкландырылган, бу узган елгыдан 6%ка күбрәк. Шулай ук шәхси ярдәмче хуҗалыкларда да сыерларны һәм таналарны орлыкландыру буенча шактый эш башкарылган.
Киңәшмә барышында шулай ук «МОЛКО-Дрожжаное» ҖЧҖендә хайваннарны идентификацияләү; биоиминлек һәм сөтчелек фермаларын биояклау; хайваннарны тоту, үстерү һәм тукландыруның алдынгы технологияләре турында фикер алыштылар.