Министрлык командасы Дәүләт хезмәткәрләре спартакиадасы кысаларында җиңү яуладылар

2023 елның 4 декабре, дүшәмбе

Узган атнада волейбол буенча ярышларның төркем этабы узды. Татарстан Республикасы дәүләт хезмәткәрләре спартакиадасы кысаларында матчлар «Триумф» спорт комплексы мәйданчыгында узды.

Татарстан Республикасы Авыл хуҗалыгы һәм азык-төлек министрлыгы командасы төркем этабы кысаларында 2 матч үткәрде. Беренчесендә – Татарстан  Республикасының  Тарифлар буенча дәүләт комитеты хезмәткәрләре командасы белән, икенчесендә Татарстан  Республикасы  Икътисад министрлыгы хезмәткәрләре командасы белән уйнадылар. Ике матчта да безнең команда 2:0 исәбе белән җиңү яулады.