Татарстан агросәнәгать комплексының аналитик белешмәләре белән теләгән һәркем таныша ала
Татарстан Республикасы Авыл хуҗалыгы һәм азык-төлек министрлыгының агросәнәгать комплексы дәүләт мәгълүмат системасының яңа мәгълүмат платформасында республиканың агросәнәгать секторы эшчәнлеге турындагы аналитик мәгълүмат белән танышу мөмкинлеге барлыкка килде.
Аналитик материалларны һәркем, хәтта авторизацияләнмәгән кулланучы да карый ала. Система сайтында “Аналитика” бүлегенә күчкәч, караучы түбәндәге белешмәләр турында мәгълүмат алырга мөмкин:
АПК тармакларының төп күрсәткечләре буенча озын чорга аналитика;
Дайджестлар. Болар - агросәнәгать комплексының агымдагы эш нәтиҗәләре буенча кыскача анализ бирелгән документлар;
Дашбордлар. Мондый инструмент белән АПК тармаклары буенча динамиканы уңай кабул итү һәм күзәтеп бару өчен аналитик материалны күреп була.
Шулай ук платформаны модернизацияләгәндә дашбордлар булдыру өчен чит илнекенә алмашка үзебезнең программалар кертелде.