Республика фермерлары «Беларус» тракторларына өстенлек бирәләр

2022 елның 17 гыйнвары, дүшәмбе

Россельхозбанк 2021 елда иң эре Своё Фермерство аграр экосистемасында авыл хуҗалыгы техникасына булган  ихтыяҗны анализлады һәм кредитка сатып алу өчен иң популяр товарларны  ачыклады. Шунысы  акчыкланды: ихтыяҗның 60%ы – тракторларга, 30%ы – пресс-җыйгычларга, тагын 10%ы  комбайннарга һәм мини-тракторларга туры килә.

Тракторлар арасында Минск трактор заводында җитештерелгән 80 һәм 82 модельле «Беларус» абсолют лидер булды. Маркетплейс клиентлары нәкъ менә шушы машинага ешрак кредитлар  алганнар: гомуми заявкаларның 80%ы  «Беларус»лар өлешенә туры килә. Калган 20%ы Россиядә һәм Кытайда җитештерелгән төрле модельләргә туры килә.

 Кулланучылар башка авыл хуҗалыгы техникасы белән дә кызыксыналар, болар: асылмалы җайланмалар, мини-төягечләр, чапкычлар, чәчкечләр. 2021 елда маркетплейста ит һәм сөт продукциясе эшкәртү һәм икмәк пешерү буенча модульле мини-заводлар барлыкка килде  һәм алар тиз арада   бик  популяр  булып китте.  

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International