Татарстан Республикасы Авыл хуҗалыгы һәм азык-төлек министрлыгында грант ярдәме алучыларны котладылар
Бүген Татарстан Республикасы Авыл хуҗалыгы һәм азык-төлек министрлыгында гаилә фермалары, авыл хуҗалыгы кооперативлары өчен программалар буенча конкурсларга һәм «Агростартап», «Агропрогресс» грантлары алучылар буенча конкурсларга йомгаклар ясалды. Бүләкләрне Татарстан Республикасы авыл хуҗалыгы һәм азык-төлек министры урынбасары Ришат Хәбипов тапшырды.
Сәламләү сүзе белән фермерлар Андрей Фалалиев, Нияз Хурамшин һәм Рәфис Галиев чыгыш ясадылар, алар Татарстан Республикасы Авыл хуҗалыгы һәм азык-төлек министрлыгына үсеш өчен бирелә торган мөмкинлекләр өчен рәхмәт белдерделәр.
Гаилә фермалары өчен грантлар суммасы - 315,9 млн. сум, авыл хуҗалыгы кулланучылар кооперативлары өчен – 191,3 млн.сум, «Агростартап» өчен - 161 млн. сум, «Агропрогресс» өчен - 7,7 млн. сумм. 20 гаилә фермасы һәм 60 Агростартап 1,5 млн. сумнан 28,8 млн. сумга кадәр грантлар отты.
Иң күп җиңүчеләр түбәндәге районнарда билгеләнде:
- 5-6шар фермер - Кукмара, Тукай, Азнакай, Саба муниципаль районнарында;
- 3-4әр фермер - Нурлат, Түбән Кама, Биектау, Буа, Лениногорск һәм Алексеевск муниципаль районнарында.
Быел беренче тапкыр «Агропрогресс» конкурсы үткәрелде, анда 3 гариза бирүчедән Кукмара районының «Новая Жизнь» ҖЧҖ грант отты - 500 баш сыерга исәпләнгән сөтчелек комплексын үстерү юнәлеше буенча.
“Грантлар максатчан һәм катгый рәвештә чыгымнар планы буенча тотыла. Төп юнәлешләр - фермалар һәм җитештерү биналары төзү һәм реконструкцияләү, терлек һәм кош-корт сатып алу, җайланмалар һәм техника сатып алу. Шуңа күрә грант алу - бер яктан, мөмкинлек, әмма икенче яктан, зур җаваплылык. Сез бизнес-планда куелган бурычларны төгәл үтәргә тиеш”, - дип билгеләп үтте министр урынбасары.