Баулыда АПК алдынгылары слеты узды

2021 елның 6 декабре, дүшәмбе

Баулыда авыл хуҗалыгы һәм эшкәртү сәнәгате алдынгылары слеты узды, анда  авыл  хуҗалыгы өлкәсенең узган  елгы эшләренә йомгаклар  ясадылар. Районны  социаль-икътисадый үстерүдә катнашучы кешеләргә хөрмәт күрсәтү йөзеннән  әлеге чара инде традициягә әверелде.

Чарада Баулы муниципаль районы башлыгы Ильяс Гузаиров, Авыл хуҗалыгы һәм азык-төлек идарәсе башлыгы Альберт Талипов, крестьян-фермер хуҗалыгы башлыгы Равил Садыйков, Бәләбәй сөт комбинатының әзерләү буенча директоры Ольга Линкевич катнашты.

Алдынгыларны бүләкләү тантанасыннан соң, алар  өчен концерт оештырылды. Анда район милли-мәдәни үзәкләренең фольклор коллективлары, район Мәдәният йортының һәм  М. Җәлил ис. Мәдәният йортының халык коллективлары, солистлары чыгыш ясадылар.