Сарман районында АПК оешмаларын техниканы кышкы саклауга куюның һәм ремонтка әзерләүнең торышы буенча тикшерделәр
Бүген Сарман районында агросәнәгать комплексы оешмалары арасында техниканы кышкы саклауга кую һәм машина-трактор паркының техника ремонтлауга әзерлеге буенча конкурс узды.
Районда Татарстан Республикасы авыл хуҗалыгы һәм азык-төлек министры урынбасары Рафаэль Фәттахов җитәкчелегендәге комиссия эшләде. Аның белән бергә район башлыгы Фәрит Хөснуллин һәм Авыл хуҗалыгы һәм азык-төлек идарәсе башлыгы Альберт Шәрипов йөрде. Иң беренче - «Нөркәй» агрофирмасының Шәрләрәмә бүлекчәсе, аннары Нөркәй машина-трактор станциясе тикшерелде. Комиссия әгъзалары хуҗалыкларның әзерлеген югары бәяләделәр.
Агрофирмалар арасында максималь - 70 балл җыеп, беренче урынны "Нөркәй" агрофирмасы алды. Икенче урынны «Җәлил» агрофирмасы алды, ул җиңүчедән бер баллга калышты. «Сарман» агрофирмасы, 68 балл җыеп, өченче урында булды.