Кылны кырыкка бүлер чак

2013 елның 3 мае, җомга

Ютазы районында чәчү эшләре башланганга бер атна вакыт узды. Якын көннәрдә терлекләрне көтүлекләргә чыгару бурычы тора. Кыскасы, крестьянның кылны кырыкка бүлер чагы. Әйтик, район авыл хуҗалыгы һәм азык-төлек идарәсенең 29 апрельгә булган оператив мәгълүматларыннан күренгәнчә, “Вәлиева” КФХда чәчү эшләре 48,8 процентта башкарылган. Бу районда иң зур күрсәткеч. Биредә чәчү планда каралган күләмнең 10 процентында башкарылган. Туфрак куенына бөртекне бер атна элек салырга өлгергән кайбер хуҗаларның орлыгы инде тамыр җибәрергә өлгергән...
Терлекчелек тармагына да тукталу зарур. Терлекләр акрынлап җәйге шартларда тәрбияләнүгә күчеп бара. Гаилә фермалары, вак фермерлар савым сыерларын борынлап килүче яшел чирәмне авыз итәргә чыгаралар, шул рәвешле, малларга моцион да үткәрәләр. Алда торган май бәйрәмнәрендә малларны күпләп җәйләүләргә күчерүне башлыйбыз, дип хәбәр итте район авыл хуҗалыгы һәм азык-төлек идарәсенең җитештерү маркетингы бүлеге консультанты Марсель Зарипов. Тулаем алганда, районның терлекчелек тармагы кышны уңышлы чыкты.
“Кәрәкәшле” җаваплылыгы чикле җәмгыяте базасында күптән түгел узган семинар-киңәшмә дә 2013 елның беренче кварталында башкарылган эшләргә нәтиҗә ясауга багышланган. Мисал өчен, бүген Тукай исемендәге җәмгыятьне уңай яктан телгә алырга мөмкин. Биредә былтыргы күрсәткечләргә караганда сөтне 635 центнерга күбрәк сөт савалар икән. “Вафауллин” крестьян-фермер хуҗалыгында да савымны 66 центнерга арттырып,  2390 центнер сөт җитештерәләр.

 “Ютазы таңы”

БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Меры государственной поддержки
Гражданнар мөрәҗәгатьләре
Адрес: 420014, Казан шәһәре, Федосеев урамы, 36
Телефон: 88004441670
Факс: +7 (843) 221-76-79
E-Mail: agro@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International