Республиканың 39 районы кырларында чәчү эшләре гөрли

29 апрельдә алынган мәгълүматлар буенча язгы чәчү 272,7 мең гектар мәйданда башкарылган, бу планның 15 процентын тәшкил итә. Шулай ук 150,6 мең гектарда - арпа, 36,7 мең гектарда - бодай, 10,0 мең гектар мәйданда борчак  җир куенына кергән. Буа (35%), Апас (32%), Тәтеш (30%), Чүпрәле (28%) игенчеләре аеруча актив эшли.

Кырларда күпьеллык үләннәрне һәм көзге уҗымнарны тукландыру дәвам итә. Республика буенча 929,7 мең гектар мәйдан (90 %) тукландырылган. Шулай ук көзге культураларны тукландыру 489,3 мең гектарда (92 %), күпьеллык үләннәрне – 440,4 мең гектарда (89%) башкарылган.

Дым каплату 1989,0  мең  гектрада башкарылган, бу планның 61 процентын тәшкил итә. Актаныш (98%), Буа (90%), Зәй (83%) районнары бу өлкәдә  актив эш алып бара.

Республикада барлыгы 212,6 мең тонна (80 %) орлык инкрустация узган. Әлеге эш 7 районда төгәлләнгән.