Татарстан Республикасы Авыл хуҗалыгы һәм азык-төлек министрлыгында “Хәләл” продукция җитештерүчеләргә чит ил сатып алучыларын табарга һәм халыкара сертификация узарга булышалар
Татарстан Республикасы Авыл хуҗалыгы һәм азык-төлек министрлыгында «Хәләл» авыл хуҗалыгы продукциясен экспортлау буенча эшче төркем киңәшмәсе узды, анда хәләл продукция экспорты буенча РАЦИН АҖ проектлары җитәкчесе Рөстәм Гайнуллов, Республика агросәнәгать инвестицияләр һәм инновацияләр үзәгенең (РАЦИН) әйдәп баручы белгечләре, «Агротрейд» ТК җитәкчесе Александр Туржанский һәм «Хәләл» халыкара стандартлаштыру һәм сертификацияләү үзәге генераль директоры Айдар Газизов катнашты.
Шулай ук Айдар Газизов Татарстан Республикасы Авыл хуҗалыгы һәм азык-төлек министрының беренче урынбасары Наил Залаков белән очрашты. Министр урынбасары Татарстан Республикасы Президенты Р.Н. Миңнехановның агросәнәгать комплексы продукциясен экспортлау мәсьәләләренә зур игътибар бирүе һәм РАЦИН белән бергә хәләл продукция җитештерүне алга таба перспективалы үстерү бурычын куюы турында сөйләде.
Хәләл продукцияне экспортлау проекты җитәкчесе Рөстәм Гайнуллов билгеләп үткәнчә, хәзер Татарстанда мондый җитештерүгә бик күп предприятиеләрнең аккредитацияләре бар, алар кош ите, эре мөгезле терлек ите, ярымфабрикатлар, ит деликатлары, кондитер әйберләре җитештерү белән шөгыльләнәләр, бал, минераль су, тавык йомыркалары саталар һәм үз продукцияләрен Россия базарында һәм чит илләрдә сата алалар. Хәзер Татарстанның хәләл продукция җитештерүчеләре Фарсы култыгы, Төркия, Кытай һәм БДБ илләре базарларына чыгалар.
Хәләл продукция экспорты буенча проект җитәкчесе Рөстәм Гайнуллов билгеләп үткәнчә, хәзер Татарстанда мондый җитештерүгә аккредитация узган күп кенә предприятиеләр бар, алар кош ите, эре мөгезле терлек, ярымфабрикатлар, ит деликатлары җитештерү белән шөгыльләнә, үз чиратында, «Хәләл» стандартлаштыру һәм сертификацияләү үзәге җитәкчесе Айдар Газизов Россия Мөфтиләр советы каршындагы «Хәләл» стандартлаштыру һәм сертификацияләү халыкара үзәге эшчәнлеге турында сөйләде. Ул Россия Федерациясе территориясендә «Хәләл» продукцияне һәм хезмәтләрне сертификацияләү эшчәнлеген тормышка ашыруга Россия Мөфтиләр советы рәисе, Россия Федерациясе Мөселманнарының Диния нәзарәте рәисе, мөфти шәех Равил хәзрәт Гайнетдиннан вәкаләтләр алган бердәнбер оешма. "Хәләл халыкара стандартлаштыру һәм сертификацияләү үзәге, “Хәләл” Россия продукциясен мөселман илләренә экспортлауны тәэмин итеп, азык-төлек импортын контрольдә тоту өчен җаваплы чит ил оешмалары белән хезмәттәшлек итә.
Исегезгә төшерәбез, «Халәл» стандартлаштыру һәм сертификацияләү халыкара үзәге генераль директоры Айдар Газизов элегрәк «Татарстанда кыр көне - 2020» иң эре агросәнәгать күргәзмәсендә булган иде, анда «Хәләл» халыкара стандартлаштыру һәм сертификацияләү үзәге белән Татарстан продукциясен экспортлау өлкәсендә хезмәттәшлек итү турында килешенде.
«Хәләл» продукцияне экспортлауга ярдәм чаралары буенча (843)29 23 2 66 телефоны аша консультация алырга мөмкин.