Район хәбәрләре: Лаеш районында иң яхшы комбайнчыларны бүләкләделәр
Узган атнада Лаеш районында “Иң яхшы комбайнчы – 2019” республика конкурсында җиңүчеләргә бүләкләр тапшырдылар. Чарада район башлыгы Илдус Зарипов катнашты. Ул Татарстан Республикасы Авыл хуҗалыгы һәм азык-төлек министрлыгы исеменнән комбайнчыларга 60 һәм 35 мең сум күләмендәге премияләрне һәм “Кама” спорт-йөзү комплексына абонементлар тапшырды.
Лаеш районының иң яхшы комбайнчылары булып түбәндәгеләр танылды: Илнар Хәсәнов («Нармонка» ҖЧҖ), Михаил Воронцов («Хәерби» ҖЧҖ); Рамель Хәлиуллин («Хәерби» ҖЧҖ); Рәис Вафин («Хәерби» ҖЧҖ); Айрат Әхмәтшин («Сәетов» КФХ); Алексей Капитонов («Сәетов» КФХ); Айнар Вәлиуллин («Сәетов» КФХ).
Шуны искәртеп узабыз, июль аенда Татарстан Республикасы Авыл хуҗалыгы һәм азык-төлек министрлыгы тарафыннан “Иң яхшы комбайнчы - 2019” республика конкурс игълан ителгән иде, ул комбайнчы һөнәренең абруен күтәрү һәм аны популярлаштыру, урып-җыю эшләрен оператив һәм сыйфатлы башкаруны, шулай ук Татарстан Республикасы агросәнәгать комплексында урып-җыю техникасын паркыннан нәтиҗәле файдалануны тәэмин итү максатларында ел саен уздырыла.
Конкурста барысы 1464 АПК хезмәткәре катнашты: 1307 комбайнчы - бөртекле культуралар суктыруда эшләүчеләр һәм 157 механизатор – бөртекле культуралар чаптыруда эшләүчеләр. Татарстан буенча барлыгы 500 белгеч конкурста җиңүчеләр булып танылды.