Татарстан Республикасы авыл хуҗалыгы һәм азык-төлек министры Марат Җәббаров Татарстан Республикасы делегациясе составында эш сәфәре белән Беларусь Республикасында булды. Программа кысаларында «Брест герой-крепосте» мемориаль комплексында булдылар һәм Советлар Союзы Герое, Брест крепостен саклауда катнашучы - Казан губернасында туган Петр Гавриловның каберенә чәчәкләр салдылар. Шулай ук Брест өлкә башкарма комитеты рәисе Петр Пархомчик белән очрашу узды, аның нәтиҗәләре буенча Татарстан Республикасы һәм Брест өлкәсе арасында хезмәттәшлек турындагы чаралар планы имзаланды.

3 - 4 июньдә Татарстан Республикасы Минзәлә муниципаль районының «Камский бекон» ҖЧҖ базасында терлек азыгы җитештерү буенча Федераль Кыр көне узачак. Бирегә бөтен Россиядән һәм чит илләрдән - АКШ, Испания, Италия, Австрия, Дания һәм Франциядән әйдәп баручы галимнәр һәм практиклар, инвесторлар, агропредприятиеләр җитәкчеләре һәм технологлар җыелачак.

Бүген Татарстан Республикасы Арча муниципаль районында авыл халкының эшлекле активлыгын арттыру мәсьәләләре буенча зона семинар-киңәшмәсе узды. Анда Татарстан Республикасы Дәүләт Советы Рәисе вазыйфаларын башкаручы Марат Әхмәтов, министр урынбасары Гөлүс Баязитов, Татарстан Республикасы Җирле үзидарә органнары ассоциациясе советы рәисе Әгъзам Гобәйдуллин, Дәүләт Советы депутатлары Альберт Хәбибуллин, Азат Хамаев, Нәҗип Хаҗипов катнаштылар.

Бүген Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров муниципаль районнар башлыклары, Татарстан Республикасы авыл хуҗалыгы һәм азык-төлек идарәләре һәм агрохолдинглар башлыклары белән видеоконференцэлемтә режимында киңәшмә үткәрде.