Казан ипподромында Сабантуйны ат спорты бәйрәме буларак бәйрәм иттеләр
23 июньдә Казан ипподромында Сабантуйны ат спорты бәйрәме буларак бәйрәм иттеләр. Биредә 4 заезд һәм понида, юртакларда һәм менге атларда 9 чабыш узды. “Казан” халыкара ат спортүтв комплексында ярышларда Татарстан Республикасы Премьер-министры Алексей Песошин, Татарстан башкаласы мэры Илсур Метшин, Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов, Татарстан Республикасы Спорт министрлыгы башлыгы Владимир Леонов һәм башкалар катнашты.
Кунаклар авыл хуҗалыгы продукциясе күргәзмәсен карадылар. Анда Татарстанның төрле районнарыннан товарлар бар иде. Ипподромда шулай ук сувенир продукциясе ярминкәсе оештырылган иде, концерт программасы әзерләнгән һәм фотозона эшләде, анда понида һәм атларда истәлек өчен фотога төшәргән мөмкин иде. Килүчеләр өчен шулай ук лотерея уйнатылды, төп призом төркиягә юллама булды.
Ат чабышлары программасында 4 заезд һәм понида, юртакларда һәм менге атларда 9 чабыш каралган иде. 2 млн 800 мең сум күләмендәге приз фонды өчен көрәшергә Татарстаннан гына түгел, Россиянең башка төбәкләреннән дә иң яхшы чапкы атлар һәм жокейлар килгән.
“Алтын аргамак” призына чабышларда чиста канлы 13 ахалтекин атлары тизлек һәм чыдамлык күрсәттеләр. Бу чабышларда җиңүне Мәскәү өлкәсеннән Триумф-Гели айгыры җиңү яулады.
«Сабантуй-2019» призына 1600 метр дистанциягә ярышларда каты кйрәш булды. Василевс айгыры Ирбис айгырын отты. Бу ике ат та Татарстан Республикасы буенча ЭЭМның «Динамо» спорт клубыннан.
Казан Кремле кубогына 2000 метрга ярышларда чиста канлы менге токымыннан Пафос айгыры оттты.
З.И.Хәбибуллин истәлеге призына 1800 метрга чабышларда Татарстаннан Закраина Люк биясе беренче булып килде. «Краса Татарстана» (“Татарстан чибәре”) призына 2000 метр дистанциягә чабышларда барыннан да алда Соти Уно ТН биясе килде.
«Арабская звезда» (“Гарәб йолдызы”) призына 1200 метр дистанциягә чабышларда чиста канлы гарәб токымыннан булган атлар арасында җиңүче булып Славутич айгыры танылды. Бүләк Татарстанда калды, чөнки ат Татарстан Республикасы буенча ЭЭМның «Динамо» спорт клубына карый.
Татарстан Республикасының Атчылык һәм ат спорты федерациясе призына 1600 метр дистанциягә бәйгедә финишка беренче булып Стирлинг Динамо айгыры килде, ул шулай ук Татарстан Республикасы буенча ЭЭМның «Динамо» спорт клубына карый.
«Татнефть» ГАҖ (ПАО) кубогына 1200 метр дистанциягә чабышта Татарстаннан Тайди Борн биясе җиңде.
Ярышларда шулай ук бик яшь җайдаклар да бар иде. “Яшь өметләр” («Юные надежды») призына 400 метр дистанциягә понида Джаконда приз алды.
Казан Мэриясе призына 1800 метр дистанциягә чабышта Америкадан Гладиатор Максимус айгыры иң җитезе булды.
«Татспиртпром» АҖ призына 2400 метр дистанциягә чабышта финишка Татарстаннан Динамит айгыры килде. «Золотая миля» призына чабышта приз Оренбург өлкәсеннән Лайв Арт айгырына бирелде.
Татарстан Республикасы Авыл хуҗалыгы һәм азык-төлек министрлыгы ризына 1800 метр дистанциягә чабышта җиңүне Татарстаннан Лондарка исемле ат яулады. Җайдак Морзабәк Капушев сөйләвенчә, чабышларда җиңү җиңел бирелмәгән. «Ат яхшы, җиңүгә бөтен өметләр бар иде, – дип сөйләде М.Капушев. – Көндәшләр барысы да көчле, шулай ук җиңүгә лаек иделәр. Җиңү өчен ни кирәкме? Хайванны яратырга кирәк».