Аграрийларның көндәлек мәшәкатьләре: Арча районында сиптерү агрегатлары парады узды

2019 елның 29 апреле, дүшәмбе

27 апрельдә  Арчада  сиптерү  агрегатлары парады  узды. Район    хуҗалыкларында  чәчүлекләрне  яклау өчен  шундый  39   агрегат исәпләнә,  шулардан  5  - үзйөрешле.    Шуны  әйтергә  кирәк,  быел  Арча  районының «Возрождение» (“Яңарыш”) агрофирмасы” ҖЧҖ һәм   «Ватан» агрофирмасы”  ҖЧҖ Татарстан  Республикасы Авыл хуҗалыгы  һәм азык-төлек  министрлыгы  ярдәме  белән  үзебездә  эшләнгән  яңа  сиптерү  агрегатлары  алдылар.    

Районның  Авыл хуҗалыгы  һәм азык-төлек  идарәсе  һәм Россельхозцентр белгечләре  составындагы  комиссия һәр техниканың сиптерүгә  әзерлеген, аларның  эшкә    көйләнгән  булуын, тиешле  җайланмалары һәм   индивидуаль яклау  чаралары  булу-булмавын тикшерде. Тикшерү  барышында        комиссия  әгъзалары  механизаторларга  агрегатлар  һәм   химикатлар  белән  эшләү буенча  күрсәтмәләр  бирделәр,  техниканың  үсемлекләрне  яклау  чараларын  башкаруга  әзерлеген  югары  бәяләделәр.  

Бәяләү  күрсәткечләре  буенча  түбәндәгеләр  призлы  урыннарны  алдылар:  

I урынны – «Северный» АХП” ҖЧҖ сиптергече, механизатор Нәбиев Марсель;

II урынны –   «Кызыл Яр» ҖЧҖ сиптергече, механизатор Шәрипов Илдус һәм  «Ак Барс» агрокомплексы”  ҖЧҖ сиптергече, механизатор Хәсәнов Айрат;

III урынны –   «Аю» АФ” ҖЧҖ сиптергечләре, механизатор Насретдинов Надый,   «Заря» АФ”  ҖЧҖ,  механизатор Габидуллин Таһир һәм   «Возрождение» (“Яңарыш”) АФ” ҖЧҖ, механизатор Кәримов Илдус.

Чара  азагында  Арча  районының Авыл хуҗалыгы  һәм азык-төлек  идарәсе   башлыгы    Ренат Гатиятов техниканы  вакытында  һәм сыйфатлы  әзерләгәннәре  өчен  барысына  да  рәхмәт  белдерде һәм  җиңүчеләргә  дипломнар,  шулай  ук  акчалата  премияләр  тапшырды.