Марат Әхмәтов Таҗикистан хезмәттәшләреннән терлекчелек һәм игенчелек тармакларындагы тәҗрибә белән танышты
Бүген Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов Татарстан Республикасы делегациясе составында Таҗикистан Республикасына эш сәфәре барышында Гиссар шәһәрендә "Абдрауф Юсупов" ис. терлекчелек хуҗалыгында булды, биредә ул сөт эшкәртү ысуллары белән танышты.
Шунда ук Гиссарда Марат 2006 елда төзелгән "Таҗикистан бәйсезлегенең 15 еллыгы" ис. декхан (фермер) хуҗалыгында булды. Ул монда слива һәм алмагач бакчаларын карады һәм Таҗикистан коллегаларының тәҗрибәсе белән танышты.
Белешмә өчен:
Гиссар районы – Таҗикистанның көнбатышында урнашкан республика әһәмиятендәге районнарның берсе. Ул Кафирнаган һәм аның кушылмасы Ханки елгалары үзәнлеге буйлап көньяктан төньякка таба тар полоса булып сузылган. Районда шулай ук Зур Гиссар каналы урнашкан. Районның төньяк районын Гиссар сырты таулары биләп тора, көньягында - Гиссар үзәнлеге тигезлеге. Административ үзәге – борынгы Гиссар шәһәрчеге. Аңа 1932 елда нигез салынган һәм ул 1951 елга кадәр Сталинабад өлкәсенә кергән. Район икътисадының күпчелеген аграр тармак тәшкил итә. Тигезлектә игенчелек белән шөгыльләнәләр, таулы төбәкләрдә - терлекчелек белән.