Шәхси ярдәмче хуҗалыклар дәүләт ярдәме алырга мөмкин
Татарстанда республика икътисадына зур өлеш кертә һәм дәүләт ярдәменнән файдалана торган кече хуҗалыкларга һәм шәхси ярдәмче хуҗалыкларга зур игътибар бирелә.
Татарстан Республикасы Авыл хуҗалыгы һәм азык-төлек министрлыгы 2019 елда шәхси ярдәмче хуҗалыкларның түбәндәге юнәлешләр буенча дәүләт ярдәмен алу хокуклары булуын искәртә:
- сөтчелек юнәлешендәге кече фермалар төзү буенча чыгымнар өлешен кайтаруга субсидияләр;
- савым сыерлары, сөт кәҗәләре һәм бер яшьтән зуррак булган кәҗә бәтиләре тотуга чыгымнар өлешен кайтаруга субсидияләр;
- яшь кош-корт (казлар, үрдәкләр, күркәләр, бройлер чебешләре) сатып алуга чыгымнар өлешен кайтаруга субсидияләр;
- товар һәм нәселле башмак таналар һәм беренче бозау таналар сатып алуга чыгымнар өлешен кайтаруга субсидияләр;
бияләр тоту өчен азык сатып алуга чыгымнар өлешен кайтаруга субсидияләр.
2019 елга шәхси ярдәмче хуҗалыкларга дәүләт ярдәменең барлык төрләре буенча кирәкле документлар исемлеге белән тулырак мәгълүмат Министрлыкның рәсми сайтында урнаштырылган.
Гражданнар үзләрен кызыксындырган барлык мәсьәләләр буенча түбәндәгеләргә мөрәҗәгать итә алалар:
- «Татарстан Республикасында авыл хуҗалыгы кооперациясен үстерү буенча компетенцияләр үзәге» ДБУенә, телефон: (843)221-77-40;
- үз районыгыздагы Авыл хуҗалыгы һәм азык-төлек идарәсенә. Авыл хуҗалыгы һәм азык-төлек идарәләренең телефоннарын һәм адресларын сылтама буенча табарга мөмкин;
- Татарстан Республикасы Авыл хуҗалыгы һәм азык-төлек министрлыгының кече хуҗалыкларны үстерү бүлегенә, телефон: (843)221-76-54, 221-76-55.