Бүген Татарстан Республикасының 31 муниципаль районында актив рәвештә урып-җыю эшләре бара. Оператив белешмәләр буенча 27 июльгә Татарстан Республикасы буенча бөртекле культуралар 28 мең га мәйданда суктырылган, бу планнан 1,9% тәшкил итә. Тулаем җыем - 90,6 мең тонна, уртача уңдырышлылык - 32,3 ц/га.
Республикада узган тәүлекләрдә 13,7 мең гектар мәйдан суктырылган, шул исәптән Зәй районында – 1,4 мең га (10%), Сарман районында – 1,3 мең га ( 9,5%), Алексеевск районында – 1,11 мең га (8%).
Иң күп уңыш Зәй районында күзәтелә, уңдырышлылык – 41,6 ц/га, Азнакайда – 40,1 ц/га, Сарманда – 38 ц/га, Тәтештә – 35,1 ц/га, Әлки районында - 34,9 ц/га.
Республика игенчеләре көзгеарыш, көзге бодай, арпа җыялар. Бүгенгә арыш 999 га (0,8%) мәйданда җыелган. 2878 тонна көзге арыш суктырылган, уңдырышлылык - 28,8 ц/га. Көзге бодай 26807 га җыелган, тулаем җыем 87 мең тонна тәшкил итә, уртача уңдырышлылык 32,5 ц/га. Арпа 143 га мәйданда 491 тонна суктырылган, уртача уңдырышлылык - 34,3 ц/га.