Татарстан Республикасы Министрлыклары Татарстан Республикасы Авыл хуҗалыгы һәм азык-төлек министрлыгы

ТР агросәнәгать комплексы хезмәткәрләрен урыннарга барып өйрәтәләр

2012 елның 27 феврале, дүшәмбе

Бу көннәрдә ТР агросәнәгать комплексы хезмәткәрләрен урыннарга барып өйрәтәләр. Татарстан агробизнес кадрларын яңадан әзерләү институты белгечләре аларны инновацияләр белән таныштыра.

Институт белгечләре Нурлат, Балык Бистәсе, Әлмәт һәм Алексеевск районнарында булды инде. Иртәгә алар Тукай районына юл тотачак, ә беренче мартта аларны Аксубай районы агросәнәгать комплексы хезмәткәрләре көтә.

Республика агросәнәгать комплексында эшләүче хуҗалык җитәкчеләре, ветеринарлар, агрономнар, инженерлар, икътисадчылар һәм башка белгечләрне агросәнәгать комплексындагы сакчыл җитештерү принципларына, ресурс саклау технологияләренә өйрәтәләр. Язгы кыр эшләре кампаниясе алдыннан машина-трактор паркын куллануның нәтиҗәлелеген арттыруга аерым игътибар биреләчәк.

Шулай ук көтүлекләрне электрон исәпкә кую хакында да сүз барачак.

«Татар-информ» МА

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

гыйнвар, 2026 ел

"Мәрхәмәт йорты"нда яшәүчеләр сөт продуктлары алачак

Быел гыйнвар аенда Зеленодольск сөт эшкәртү комбинаты картлар һәм инвалидлар өчен булган «Мәрхәмәт йорты» интернат-йортын үз карамагына алды. Комбинат даими нигездә интернат-йортта яшәүчеләрне сөт продуктлары – үзенең «Очень важная корова» сәүдә маркалы йомшак эремчек һәм ряженка белән бушлай тәэмин итәчәк. Ай саен хәйрия товарлары белән тәэмин итү күләме 130 килограммнан артыграк булачак.

гыйнвар, 2026 ел

Татар токымлы айгыр Мәскәүдә милли атлар традицияләре үзәгенә тапшырылды

Татарстан Республикасы Мәскәүдәге Милли атлар традицияләре үзәгенә татар токымлы айгыр тапшырды. Үзәктә Россиянең мәдәни мирасын һәм ат байлыгын саклау, арттыру һәм күрсәтү максатында спорт, ял итү-күңел ачу, мәгариф һәм тармак чаралары гамәлгә ашырыла.

гыйнвар, 2026 ел

2026 елда тракторларның кимендә 3%ын, ашлык җыю комбайннарының 4%ын һәм азык җыю комбайннарының 5%ын модернизацияләү планлаштырыла

Татарстан Республикасында 2025 елда хуҗалыклар тарафыннан 10 млрд сумлык диярлек 2200 берәмлектән артык техника сатып алынган — нәтиҗәдә, тракторларның 2,5%ы, ашлык җыю комбайннарының 3,3%ы һәм азык җыю комбайннарының 4,5%ы яңартылды.

гыйнвар, 2026 ел

Татарстанда «АПКда кадрлар» федераль проектын гамәлгә ашыру буенча еллык йомгаклар ясалды

2025 ел башыннан Татарстан Республикасында «Азык-төлек иминлеген технологик тәэмин итү» илкүләм проекты гамәлгә ашырыла. Аның кысаларында 5 федераль проект үтәлә, болар: “Селекциядә һәм генетикада фәнни эшләнмәләрне үстерү өчен шартлар тудыру”, “Ветеринария препаратлары”, “Авыл хуҗалыгының, азык-төлек һәм эшкәртү сәнәгатенең техник һәм технологик бәйсезлеге”, “АПКда кадрлар”, “Аеруча мөһим фермент препаратлары, терлек азыгы һәм азык өстәмәләре, технологик ярдәмче чаралар җитештерү”.

ЯҢАЛЫКЛАРГА ЯЗЫЛУ